Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Genesis 22:18 - Yn Vible Casherick 1775 1819

18 As ayns dty luight, vess ooilley ashoonyn y theihll er nyn mannaghey: er-y-fa dy vel oo er choyrt biallys da my choraa.

အခန်းကိုကြည့်ပါ။ ကော်ပီ




Genesis 22:18
22 ပူးပေါင်းရင်းမြစ်များ  

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.


As nee’m adsyn y vannaghey, ta dy dty vannaghey, as ver-ym mollaght ersyn ta guee mollaght ort’s: as aynyd’s vees ooilley ashoonee yn ooir er nyn mannaghey.


Fakin dy jig Abraham dy shickyr dy ve ny ashoon mooar as niartal, as dy bee ooilley ashoonyn y theihll er nyn mannaghey aynsyn.


Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.


As heeyn Abraham magh e laue, as ghow eh yn skynn dy varroo e vac.


As dirree Abraham dy feer voghey, as yeeltee eh e assyl, as ghow eh jees jeh e gheiney aegey mârish, as Isaac e vac, as scelt eh yn fuygh son yn oural-losht: as hrog eh er, as hie eh gys yn ynnyd va Jee er n’insh da.


As bee dty luight myr joan ny hooirey, as nee oo skeayley dy lhean gys y sheear as gys y shiar, gys y twoaie as gys yn jiass, as aynyd’s as ayns dty luight, bee ooilley kynneeyn y theihll er nyn mannaghey.


Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.


As ren Moses as Aaron myr hug y Chiarn sarey daue; eer shen myr ren ad.


As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.


Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.


Lioar sheeloghe Yeesey Creest, mac Ghavid, mac Abraham.


Shiuish cloan ny phadeyryn as y chonaant, ren Jee rish nyn ayraghyn, gra rish Abraham, As ayns dty luight’s vees ooilley kynneeyn y theihll er nyn mannaghey.


Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley.


Nish da Abraham as da e luight va ny gialdynyn jeant. Cha vel eh gra, As da sluightyn, myr jeh ymmodee; agh myr jeh unnane, As da dty luight’s, ta shen Creest.


Son my ta’n eiraght liorish y leigh, cha vel eh ny sodjey liorish gialdyn; agh hug Jee eh da Abraham er gialdyn.


Bannit dy row Jee as Ayr nyn Jiarn Yeesey Creest, t’er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:


Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ