Genesis 22:16 - Yn Vible Casherick 1775 1819

¹⁶ As dooyrt eh, Liorym pene ta mee er vreearrey ta’n Chiarn gra, son fakin dy vel oo er n’yannoo shoh, as nagh vel oo er vreayll voym’s dty vac, eer dty ynrycan vac;

Genesis 22:16 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 22:12

As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 22:15

As deïe ainle y Chiarn da Abraham veih niau, yn nah cheayrt,

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

Genesis 26:5

Er-yn-oyr dy dug Abraham biallys da my choraa, as dy dreill eh my harey, my annaghyn, my lattyssyn, as my leighyn.

1 Recortyssyn 16:16

Eer y conaant shen ren eh rish Abraham, as y breearrey hug eh da Isaac:

Psalmyn 105:9

Yn eer conaant ren eh rish Abraham: as y breearrey loo eh da Isaac;

Exodus 17:16

Son dooyrt eh, Er-yn-oyr dy vel y Chiarn er vreearrey; dy bee caggey ec y Chiarn rish Amalek veih sheeloghe gys sheeloghe.

Exodus 2:24

As cheayll Jee nyn osnaghyn, as chooinee Jee er e chonaant rish Abraham, rish Isaac, as rish Jacob.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Isaiah 45:23

Ta mee er vreearrey liorym pene, ta’n fockle er n’gholl magh ass my veeal ayns ynrickys, as cha jean eh chyndaa, dy nee hym’s nee dy chooilley ghlioon lhoobey, dy chooilley hengey breearrey.

Jeremiah 22:5

Agh mannagh n’eaisht shiu rish ny goan shoh, Ta mee breearrey liorym pene, ta’n Chiarn dy ghra, dy bee’n thie shoh ny hraartys.

Jeremiah 44:26

Shen-y-fa clasht-jee goo yn Chiarn, ooilley Yudah ta cummal ayns cheer Egypt; Cur-my-ner, ta mish er loo liorish my ennym ooasle, ta’n Chiarn gra, nagh bee my ennym ny smoo enmyssit ayns beeal dooinney erbee dy Yudah, ayns ooilley cheer Egypt, gra, Ta’n Chiarn Jee bio.

Jeremiah 49:13

Son ta mee er vreearrey liorym pene, ta’n Chiarn dy ghra, dy bee Bozrah jeant ny hraartys, ny oltooan, caitnys, as mollaght, as bee ooilley e ard-valjyn dy bragh naardey.

Jeremiah 51:14

Ta Chiarn ny flaunyssee er loo liorish hene, gra, Shickyr lhieen-yms oo lesh deiney, myr lesh braddagyn; as troggee ad yllaghey dt’oï.

Ezekiel 16:8

Nish tra hie mee shaghyd, as tra yeeagh mee ort, cur-my-ner v’ou ec eash lowal-poosee, as ren mee dty phoosey, as choodee mee dty nearey, dy feer, hug mee dhyt my vreearrey, as ren mee conaant rhyt, ta’n Chiarn Jee dy ghra, as haink oo dy ve lhiam pene.

Amos 6:8

Ta’n Chiarn Jee er vreearrey liorish hene, ta’n Chiarn, Jee ny flaunyssee, gra, Ta dwoaie aym er mooaralys Yacob, as feoh aym er e chooyrtyn reeoil: shen-y-fa livrey-ym seose yn ard-valley, marish ooilley ny t’ayn.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Noo Luke 1:73

Eer yn breearrey ren eh gys yn ayr ain Abraham,