Genesis 22:12 - Yn Vible Casherick 1775 1819

¹² As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 22:12 ပူးပေါင်းရင်းမြစ်များ

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 22:13

As hrog Abraham seose e hooillyn, as yeeagh eh, as cur-my-ner, ny chooyl va rea goit ayns thammag er e eairkyn: As hie Abraham as ghow eh yn rea, as heb eh son oural-losht eh ayns ynnyd e vac.

Genesis 22:16

As dooyrt eh, Liorym pene ta mee er vreearrey ta’n Chiarn gra, son fakin dy vel oo er n’yannoo shoh, as nagh vel oo er vreayll voym’s dty vac, eer dty ynrycan vac;

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

Genesis 26:5

Er-yn-oyr dy dug Abraham biallys da my choraa, as dy dreill eh my harey, my annaghyn, my lattyssyn, as my leighyn.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Lioar Yob 5:19

Nee eh uss y livrey ayns shey seaghyn, eer ayns shiaght cha jig olk erbee dty choair.

Psalmyn 1:6

Shen-y-fa cha vod ny mee-chrauee shassoo ayns y vriwnys: chamoo ny peccee ayns chaglym y sleih ynrick.

Psalmyn 111:10

Ta aggle y Chiarn toshiaght creenaght: toiggal mie t’ocsyn ooilley ta dy ymmyrkey ad-hene cordail rish; ta’n moylley echey farraghtyn son dy bragh.

Psalmyn 147:11

Agh ta taitnys ec y Chiarn ayndoosyn ta goaill aggle roish: as ta coyrt nyn dreishteil ayns e vyghin.

Psalmyn 2:11

Shirveish-jee yn Chiarn lesh aggle: as gow-jee boggey ayn lesh arrym.

Psalmyn 25:12

Bee’n annym echey ec aash: as yiow e luight yn cheer ayns eiraght.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Exodus 20:20

As dooyrt Moses rish y pobble, Ny bee aggle erriu: son ta Jee er heet dy phrowal shiu, as dy vod yn aggle echey ve roish nyn sooillyn, nagh jean shiu peccah.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Ecclesiastes 12:13

Lhig dooin clashtyn jerrey’n slane cooish: gow aggle roish Jee, as freill e annaghyn; son shoh slane currym dooinney.

Jeremiah 19:5

T’ad er hroggal myrgeddin altaryn Vaal, dy lostey nyn mec lesh aile son chebballyn-losht da Baal, red nagh doardee mee daue, chamoo loayr mee jeh, chamoo haink eh ayns my smooinaghtyn.

Jeremiah 32:40

As neem’s conaant foddey beayn y yannoo roo, nagh jyndaa-yms ersooyl voue, agh dy jean-yms mie daue; as ver-yms my aggle ayns nyn greeaghyn, nagh jean ad m’y hreigeil.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead-filley, as eiraght ayns y vea veayn.

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi-erbee chredjagh aynsyn cherraghtyn, agh yn vea ta dy bragh farraghtyn y chosney.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

2 Corinthianee 8:12

Son my ta’n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

Hebrewnee 11:19

Coontey dy row Jee abyl dy hroggal eh seose, eer veih ny merriu: voish shen myrgeddin hooar eh eh ayns caslys.

Hebrewnee 12:28

Shen-y-fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Jamys 2:18

Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh-yms dhyt’s yn credjue aym’s liorish my obbraghyn.

Ashlish 19:5

As haink coraa magh veih’n stoyl-reeoil, gra, Cur-jee moylley da’n Jee ain, ooilley shiuish e harvaantyn, as shiuish ta goaill aggle roish, chammah beg as mooar.

1 Samuel 15:22

As dooyrt Samuel, Vel wheesh dy haitnys ec y Chiarn ayns ourallyn-losht as chebballyn, as t’echey ayns biallys da coraa’n Chiarn? Cur-my-ner, ta biallys ny share na oural, as dy choyrt ammys, na riurid reaghyn.