Genesis 22:11 - Yn Vible Casherick 1775 1819

¹¹ As ren ainle y Chiarn geamagh da veih niau, as dooyrt eh, Abraham, Abraham. As dreggyr eh, Ta mee ayns shoh.

Genesis 22:11 ပူးပေါင်းရင်းမြစ်များ

Genesis 16:7

As hooar ainle y Chiarn ee liorish farrane ushtey ayns yn aasagh, liorish y chibbyr t’ayns y raad gys Shur.

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 21:18

Irree, trog seose y ghuilley, as gow eh er y laue, son neem’s jehsyn ny ashoon pooaral.

Genesis 22:1

As haink eh gy-kione, lurg ny reddyn shoh, dy ren Jee credjue Abraham y phrowal, as dooyrt eh rish Abraham. As dreggyr eh, Cur-my-ner, ta mee ayns shoh.

Genesis 22:10

As heeyn Abraham magh e laue, as ghow eh yn skynn dy varroo e vac.

Genesis 22:12

As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 22:16

As dooyrt eh, Liorym pene ta mee er vreearrey ta’n Chiarn gra, son fakin dy vel oo er n’yannoo shoh, as nagh vel oo er vreayll voym’s dty vac, eer dty ynrycan vac;

Genesis 24:7

Yn Chiarn Jee jeh niau, ghow mee veih thie my ayrey, as veih cheer my chynney, as ren loayrt rhym, as ren breearrey dou, gra, Da dty luight ver-yms yn cheer shoh; v’er eshyn e ainle royd, as gowee oo ben da my vac veih’n cheer shen.

Genesis 31:11

As loayr ainle Yee rhym ayns dreamal, gra, Jacob: as dooyrt mish, Ta mee ayns shoh.

Genesis 37:13

As dooyrt Israel rish Joseph, Nagh vel dty vraaraghyn jeeaghyn da’n chioltane ayns Shechem? Tar, as ver-yms oo huc er chaghteraght: As dooyrt eh rish, Ta mee ayns shoh.

Genesis 46:2

As loayr Jee rish Israel ayns ashlishyn ny hoie, as dooyrt eh, Yacob, Yacob. As dooyrt eh, Ta mee ayns shoh.

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

Exodus 3:2

As haink ainle y Chiarn huggey ayns lossey dy aile ayns thammag: as yeeagh eh, as cur-my-ner, va’n thammag lossey lesh aile, as cha row’n thammag losht.

Exodus 3:4

As tra honnick y Chiarn, dy hyndaa eh dy lhiattee dy akin, dy ren Jee geamagh er, ass mean y thammag, as dooyrt eh, Voses, Voses. As dooyrt eh, Ta mee ayns shoh.

Isaiah 6:8

Myrgeddin cheayll mee coraa yn Chiarn, gra, Quoi nee’m y choyrt, as quoi hed er chaghteraght er nyn son? Eisht dooyrt mee, Ta mish ayns shoh; lhig dooys goll.

Jannoo 26:14

As tra va shin ooilley er duittym gys y thalloo, cheayll mee coraa loayrt rhym, as gra ayns glare ny Hebrewyn, Saul, Saul, cre’n-fa t’ou jannoo tranlaase orrym? S’doillee te dhyt dy vrebbal noi ny jilg.

Jannoo 9:4

As huitt eh gys y thalloo, as cheayll eh coraa gra rish, Saul, Saul, cre’n-fa t’ou jannoo tranlaase orrym?

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.

1 Samuel 3:10

As haink y Chiarn, as deïe eh myr ren eh roïe, Samuel, Samuel. Eisht dreggyr Samuel, Loayr, Hiarn; son ta dty harvaant clashtyn.

1 Samuel 3:4

Dy deïe’n Chiarn er Samuel: as dreggyr eh, Ta mish ayns shoh.