Genesis 21:8 - Yn Vible Casherick 1775 1819

⁸ As daase y lhiannoo, as v’eh er ny harbaa: as ren Abraham cuirraghyn mooarey, yn laa cheddin va Isaac charbaït.

Genesis 21:8 ပူးပေါင်းရင်းမြစ်များ

Genesis 19:3

As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

Genesis 21:7

As dooyrt ee, Quoi yiarragh rish Abraham, dy beagh Sarah ny ben-kee? son ta mee er n’ymmyrkey mac da ayns e henn eash.

Genesis 21:9

As honnick Sarah mac Hagar yn Egyptian, gannidys, eh v’ee er n’ymmyrkey da Abraham.

Genesis 26:30

As ren eh gien daue, as ren ad gee as giu.

Genesis 29:22

As chuir Laban cooidjagh ooilley deiney yn ynnyd, as ren eh bannish.

Genesis 40:20

As haink eh gy-kione er yn trass laa, va corrym gys y laa ruggyr Pharaoh, dy ren eh cuirraghyn da ooilley e ard-gheiney, as ren eh soiaghey seose yn ard-vutler, as yn ard-stiurt mastey ny fir-oik.

2 Samuel 3:20

Er shoh haink Abner gys David gys Hebron, as feed dooinney mârish: as ren David cuirraghyn da Abner, as da ny deiney va mârish.

1 Reeaghyn 3:15

As ghooisht Solomon; as cur-my-ner, she ashlish v’ayn. As haink eh gys Jerusalem, as hass eh kiongoyrt rish arg conaant y Chiarn, as heb eh ourallyn-losht, as heb eh ourallyn-shee, as ren eh cuirraghyn da ooilley ny fir-oik echey.

Esther 1:3

Ayns y trass vleïn jeh e reill, ren eh cuirraghyn da ooilley e phrinceyn, as e harvaantyn; pooaraghyn Phersia as Media, ard-gheiney as princeyn ny rheamyn ec y traa cheddin kionfenish.

Psalmyn 131:2

Cha vel mee goaill orrym dy loayrt jeh cooishyn mooarey: ta erskyn roshtyn my hushtey.

Hosea 1:8

Nish tra v’ee er harbaa Lo-ruhamah, yien ee, as dymmyrk ee mac.

Briwnyn 14:10

As hie e ayr sheese gys y ven: as ren Samson bannish ayns shen; son shen myr va cliaghtey ny deiney aegey dy yannoo.

Briwnyn 14:12

As dooyrt Samson roo, Ver-yms magh raa-dorraghey: my oddys shiu dy jarroo bun y choyrt dou er cheu-sthie jeh shiaght laa yn vannish, as feddyn magh eh, eisht ver-yms diu jeih brelleenyn as feed, as jeih caghlaaghyn as feed dy gharmadyn;

1 Samuel 1:22

Agh cha jagh Hannah seose mâroo, son dooyrt ee rish e sheshey, Fuirree-ym derrey vees yn lhiannoo charbaït, as eisht ver-ym lhiam eh, dy hebbal eh fenish y Chiarn, dy hirveish eh choud s’bio eh.

1 Samuel 1:24

As tra v’ee er harbaa eh, ghow ee eh seose mâree, as three dew, as un ephah dy flooyr, as saagh feeyney, as hug ee lh’ee eh gys thie yn Chiarn ayns Shiloh: as va’n lhiannoo aeg.

1 Samuel 25:36

As haink Abigail gys Nabal: as cur-my-ner, dreill eh gien ayns e hie myr gien reeoil; as va cree Nabal gennal, son v’eh feer veshtal: shen-y-fa cha dinsh ee veg da, ny sloo ny ny smoo, derrey’n voghrey.