Genesis 21:5 - Yn Vible Casherick 1775 1819

⁵ As va Abraham keead bleïn dy eash, tra va e vac Isaac er ny ruggey da.

Genesis 21:5 ပူးပေါင်းရင်းမြစ်များ

Genesis 16:16

As va Abram kiare-feed bleïn as shey dy eash tra ren Hagar gymmyrkey Ishmael da Abram.

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 17:17

As huitt Abraham er e eddin, as ren eh garaghtee, as dooyrt eh ayns e chree, Bee lhiannoo er ny ruggey dasyn ta keead bleïn dy eash? as jean Sarah, ta kiare-feed bleïn as jeih, lhiannoo y ymmyrkey?

Genesis 17:24

As va Abraham kiare-feed bleïn as nuy-jeig dy eash, tra v’eh er ny yiarey-chymmylt ayns yn eill.

Genesis 25:26

As eisht ruggyr e vraar, as ghow e laue greme er boyn Esau; as v’eh enmyssit Jacob. As va Isaac three-feed bleïn dy eash, tra hug Rebekah ad son y theihll.

Jeremiah 20:15

Dy doogh dy row da’n dooinney hug lesh y naight da my ayr, gra, Ta lhiannoo-mac er ny ruggey dhyt; cur-volley da.

Romanee 4:19

As myr nagh row eh faase-chredjuagh, cha ren eh soiaghey jeh [annooinid] e chorp hene nish gyn mioyr, tra v’eh mysh keead bleïn dy eash, ny foast jeh merriuid breïn Sara.

Hebrewnee 6:15

As myr shen lurg da v’er hurranse dy meen, hooar eh cooilleen yn ghialdyn.