Genesis 21:3 - Yn Vible Casherick 1775 1819

³ As denmys Abraham yn mac v’er ny ruggey da, Isaac, eh ren Sarah gymmyrkey.

Genesis 21:3 ပူးပေါင်းရင်းမြစ်များ

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 17:21

Agh my chonaant nee’m y hickyraghey rish Isaac, eh nee Sarah gymmyrkey dhyt ec y traa cooie yn vleïn shoh cheet.

Genesis 21:12

As dooyrt Jee rish Abraham, Ny gow shoh rouyr gys dty chree, er coontey yn ghuilley, as er coontey dty inney-veyl: ayns dy chooilley nhee ta Sarah er ghra rhyt, jean lurg yn aigney eck: son ayns Isaac vees dty luight er ny enmys.

Genesis 21:6

As dooyrt Sarah, Ta Jee er choyrt orrym garaghtee, myr shen dy jean dagh unnane chlinnys jeh, garaghtee mârym.

Genesis 22:2

As dooyrt eh, Gow nish dty vac, eer dty ynrycan vac Isaac, eh shynney lhiat, as fow royd gys cheer Moriah; as cheb eh ayns shen son oural-losht er unnane jeh ny sleityn neem’s y hoilshaghey dhyt.

Genesis 25:19

As ad shoh sheelogheyn Isaac, mac Abraham: hooar Abraham Isaac.

Noo Mian 1:2

Hooar Abraham Isaac, as hooar Isaac Jacob, as hooar Jacob Judas as e vraaraghyn.

Jannoo 7:8

As hug eh da conaant y ghiarey-chymmylt: as myr shen hooar Abraham Isaac, as ren eh eh y ghiarey-chymmylt er yn hoghtoo laa, as hooar Isaac Jacob, as Jacob yn daa henn-ayr jeig.

Romanee 9:7

Chamoo son dy nee sluight Abraham ad, dy vel ad ooilley e chloan: agh ayns Isaac bee’n sluight ayd’s er nyn eam.

Hebrewnee 11:18

My-e-chione ve er ny ghra, Ayns Isaac bee dty luight er ny enmys:

Joshua 24:3

As ghow mee nyn ayr Abraham veih’n cheu elley jeh’n awin, as leeid mee eh trooid ooilley cheer Chanaan, as vishee mee yn sluight echey, as hug mee Isaac da.