Genesis 21:1 - Yn Vible Casherick 1775 1819

¹ As ren y Chiarn cooinaghtyn er Sarah, myr v’eh er loayrt, as ren y Chiarn son Sarah, ny v’eh er yialdyn.

Genesis 21:1 ပူးပေါင်းရင်းမြစ်များ

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 17:21

Agh my chonaant nee’m y hickyraghey rish Isaac, eh nee Sarah gymmyrkey dhyt ec y traa cooie yn vleïn shoh cheet.

Genesis 18:10

As dooyrt eh, Neem’s dy shickyr chyndaa hood’s ec y traa cooie yn vleïn shoh cheet; as cur-my-ner, ver Sarah dty ven mac son y theihll. As cheayll Sarah shoh ayns dorrys y chabbane, va ny chooyl.

Genesis 18:14

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

Genesis 24:36

As ren Sarah ben my vainshtyr mac y ymmyrkey da my vainshtyr tra v’ee shenn: as dasyn t’eh er choyrt ooilley ny t’echey.

Genesis 50:24

As dooyrt Joseph rish e vraaraghyn, Ta my vaase er-gerrey: as nee Jee son shickyrys jeeaghyn erriu, as ver eh lesh shiu ass y cheer shoh, gys y cheer yiall eh liorish breearrey da Abraham, da Isaac, as Jacob.

2 Reeaghyn 4:17

As ren y ven giennaghtyn, as dymmyrk ee mac ec yn imbagh shen, cordail rish y traa va Elisha er n’insh jee jeh.

Psalmyn 106:4

Cooinee orrym, O Hiarn, cordail rish y foayr shen t’ou d’ymmyrkey gys dty phobble: O jeeagh orrym’s lesh dty haualtys.

Psalmyn 12:6

Trog-ym orrym, ta’n Chiarn dy ghra: as ver-ym feaysley da dagh unnane veihsyn ta gatt n’oï, as ver-ym eh gys fea.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Exodus 3:16

Immee as chaggil shanstyr Israel, as abbyr roo, Ren y Chiarn Jee ny ayraghyn eu, Jee Abraham, Isaac, as Jacob, soilshaghey eh hene dou gra, Ta mee son shickyrys er yeeaghyn erriu, as er vakin shen ta jeant riu ayns Egypt.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 19:44

As lhieggee ad oo kiart rish y thalloo, as dty chloan cheu-sthie jeed; as cha vaag ad aynyd un chlagh er clagh elley: er-yn-oyr nagh dug oo tastey da’n earish haink mish dy dty yeeaghyn.

Galatianee 4:23

Agh v’eshyn va rish yn inney-veyl er ny ruggey lurg yn eill, agh eshyn va rish y ven-seyr v’eh liorish bree gialdynys.

Galatianee 4:28

Nish ta shinyn, vraaraghyn, myr va Isaac, yn chloan dy ghialdynys.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Ruth 1:6

Eisht hrog ee urree marish ny inneenyn-’sy-leigh eck, dy aagail cheer Voab: son v’ee er chlashtyn ayns cheer Voab, dy row’n Chiarn er yeeaghyn er e phobble, as er choyrt daue arran.

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.

1 Samuel 2:21

As yeeagh y Chiarn er Hannah, myr shen dy ren ee gientyn, as gymmyrkey three mec, as da inneen. As daase y lhiannoo Samuel fenish y Chiarn.