Genesis 20:9 - Yn Vible Casherick 1775 1819

⁹ Eisht hug Abimelech fys er Abraham, as dooyrt eh rish, Cre shoh t’ou er n’yannoo rooin? as cre’n oill ta mee er n’yannoo, dy vel oo er choyrt lhiat orrym’s, as er my reeriaght, peccah trome? s’olk yn obbyr t’ou er n’yannoo.

Genesis 20:9 ပူးပေါင်းရင်းမြစ်များ

Genesis 12:18

As deïe Pharaoh er Abram as dooyrt eh, Cre shoh t’ou er n’yannoo rhym? cre’n-fa nagh dinsh oo dou dy nee dty ven v’ee?

Genesis 20:10

As dooyrt Abimelech rish Abraham, Cre er v’ou smooinaghtyn, tra ren oo shoh?

Genesis 20:8

Shen-y-fa dirree Abimelech dy feer voghey, as ren eh sumney cooidjagh ooilley e fir-oik, as dinsh eh ooilley ny reddyn shoh ayns y chlashtyn oc: as va aggle mooar er ny deiney.

Genesis 26:10

As dooyrt Abimelech, Cre shoh t’ou er n’yannoo rooin? oddagh fer jeh’n phobble trooid taghyrt, ve er lhie marish dty ven, as uss er hayrn kerraghey orrin.

Genesis 29:25

As haink eh gy-kione, ’sy voghrey, cur-my-ner, dy nee Leah v’ayn: as dooyrt eh rish Laban, Cre shoh t’ou er n’yannoo rhym? nagh nee son Rachel hirveish mee oo? cre’n-fa eisht t’ou er my volley?

Genesis 34:7

As haink mec Yacob veih’n vagher tra cheayll ad jeh, as va ny deiney seaghnit, as v’ad feer jymmoosagh; er-yn-oyr dy row eh er hayrn scammylt er Israel, ayns lhie marish inneen Yacob, red nagh lhisagh ve jeant.

Genesis 38:24

As haink eh gy-kione, mysh three meeaghyn lurg shen, dy row eh inshit da Judah, gra, Ta Tamar dty ven-chleuin er n’yannoo maarderys, as myrgeddin, cur-my-ner, t’ee torragh, liorish maarderys: As dooyrt Judah, Cur-jee lhieu magh ee, as lhig jee ve losht.

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

2 Samuel 12:5

As va corree Ghavid dy mooar er ny vrasnaghey noi’n dooinney, as dooyrt eh rish Nathan, Myr ta’n Chiarn bio, yn dooinney t’er n’yannoo yn aggair shoh bee eh son shickyrys er ny choyrt gy-baase.

2 Samuel 13:12

As dreggyr ee eh, Cha jean, my vraar, ny gow mee er-êgin; son cha lhisagh lheid y red ve jeant ayns Israel; ny jean lheid yn ommijys.

Exodus 32:21

As dooyrt Moses rish Aaron, Cre’n olk ren y pobble shoh rhyt’s, dy vel oo er hayrn lheid y peccah orroo?

Exodus 32:35

As ghow’n Chiarn kerraghey er y pobble, er coontey’n jalloo hug ad er Aaron dy yannoo.

Raaghyn Creeney 28:10

Eshyn ver deiney cairal er-shaghryn ayns drogh raad, tuittee eshyn ’syn ooig echey hene: agh ec y vooinjer yeeragh bee reddyn mie ayns nyn gummal.

Leviticus 20:10

As y dooinney ta foiljagh jeh brishey poosey rish ben ghooinney elley, eer eshyn ta brishey poosey rish ben e naboo, bee’n maarderagh as y streebagh dy shickyr er nyn goyrt gy-baase.

Romanee 2:11

Son cha vel Jee jannoo soiaghey jeh persoonyn.

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

Joshua 7:25

As dooyrt Joshua, Cre’n-fa t’ou er hayrn seaghyn orrin? nee’n Chiarn uss y heaghney yn laa jiu. As ren ooilley Israel eh y chlaghey lesh claghyn, as ad y lostey lesh aile erreish daue v’er chlaghey ad lesh claghyn.