Genesis 20:7 - Yn Vible Casherick 1775 1819

⁷ Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 20:7 ပူးပေါင်းရင်းမြစ်များ

Genesis 12:15

Honnick princeyn Pharaoh ee myrgeddin, as voyll ad ee kiongoyrt rish Pharaoh: as va’n ven goit stiagh gys thie Pharaoh.

Genesis 12:17

As ren y Chiarn seaghney Pharaoh as e hie lesh doghanyn dewilley, er coontey Sarai ben Abram.

Genesis 2:17

Agh jeh’n billey dy hushtey jeh mie as sie, cha negin dhyt gee: son er y laa ee-ys oo jeh, bee oo dy shickyr fo briwnys baase.

Genesis 20:18

Son va’n Chiarn er yeigh seose ooilley breïnyn lught-thie Abimelech: er coontey Sarah ben Abraham.

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 20:8

Shen-y-fa dirree Abimelech dy feer voghey, as ren eh sumney cooidjagh ooilley e fir-oik, as dinsh eh ooilley ny reddyn shoh ayns y chlashtyn oc: as va aggle mooar er ny deiney.

Genesis 23:6

Clasht rooin, my Hiarn; t’ou dty phrince niartal ny mast’ ain; ayns y reih jeh ny oaiaghyn ain, jean dty varroo y oanluckey; cha jean unnane ain e oaie y reayll voïd; agh dy vod oo goanluckey dty varroo.

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

1 Reeaghyn 13:6

As dreggyr y ree as loayr eh rish yn dooinney dy Yee, Jean aghin nish gys eddin y Chiarn dty Yee, as guee er my hon, dy voddym use my laue y gheddyn reesht. As ren yn dooinney dy Yee guee gys y Chiarn, as va laue’n ree er ny laanaghey da reesht, as haink eh dy ve myr v’eh roïe.

2 Reeaghyn 5:11

Agh va Naaman jymmoosagh, as hie eh roish, as dooyrt eh, Cur-my-ner, smooinee mee, Hig eh son shickyrys magh hym’s, as shassoo, as geamagh er ennym y Chiarn e Yee, as strugey e laue harrish y boayl doghanagh, as slaanaghey yn lourane.

1 Recortyssyn 16:22

Gra, Ny benn-jee rish my er-ooilit: as ny jean-jee veg yn aggair da my adeyryn.

2 Recortyssyn 30:18

Son va ymmodee jeh Ephraim as Manasseh, Issachar as Zebulun, nagh row er chasherickey ad-hene, ny-yeih d’ee ad yn eayn-caisht, agh cha nee myr ve scruit [’sy leigh:]

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Lioar Yob 42:8

Shen-y-fa gow-jee nish hiuish shiaght dew as shiaght reaghyn, as immee-jee gys my harvaant Job, as cheb-jee seose er nyn son hene oural-losht; as nee my harvaant Job padjer y ghoaill er nyn son, son eshyn neem’s soiaghey jeh; er-aggle dy dellym riu rere nyn ommijys, ayns wheesh as nagh vel shiu er loayrt my-mychione’s shen ny ta cairagh, myr ta my harvaant Job.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Exodus 18:17

As dooyrt ayr-’sy-leigh Voses rish; Cha vel yn aght shoh t’ou dy ghoaill mie er dty hon.

Exodus 4:16

As nee eshyn loayrt ayns dty lieh rish y pobble: as bee eh dhyt’s, eer bee eshyn dhyt’s ayns ynnyd beeal, as bee uss dasyn ayns ynnyd Yee.

Exodus 7:1

As dooyrt y Chiarn rish Moses, Cur-my-ner, ta mee er dty hoiaghey seose myr jee da Pharaoh: as bee dty vraar Aaron dty adeyr.

Jeremiah 14:11

Eisht dooyrt y Chiarn rhym, Ny jean uss guee son maynrys y phobble shoh.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Jeremiah 27:18

Agh my she phadeyryn ad, as my ta goo yn Chiarn mâroo, lhig daue nish guee gys Chiarn ny sheshaghtyn flaunyssagh, nagh jed ny siyn gys Babylon ta faagit ayns thie yn Chiarn, as ayns thie ree Yudah, as ec Jerusalem.

Ezekiel 3:18

Tra ta mee gra rish y vee-chrauee, Ta baase son shickyrys dty chour; as mannagh der oo raaue da, chamoo loayrt, dy hyndaa yn vee-chrauee veih e ghrogh raad, dy hauail e vioys: yiow yn dooinney mee-chrauee cheddin baase ayns e vee-chraueeaght, agh yn uill echey neem’s geearree ec dty laue’s.

Ezekiel 33:8

Tra ta mee gra rish ny mee-chrauee, O ghooinney mee-chrauee, yiow uss dy shickyr baase; mannagh vel uss loayrt, dy chur raaue da’n dooinney mee-chrauee dy lhiasaghey e raad, yiow yn dooinney mee-chrauee shen baase ayns e vee-chairys; agh yn uill echey neem’s shirrey ec dty laue’s.

Leviticus 6:4

Eisht son dy vel eh er n’yannoo peccah, as dy vel eh oolee, nee eh chyndaa reesht shen ny ghow eh ersooyl lesh tranlaase, ny shen t’eh er gheddyn dy molteyragh ny shen va currit da dy hashtey, ny’n chooid chailjey t’eh er gheddyn,

Leviticus 6:7

As nee’n saggyrt lhiasaghey ’yannoo er e hon, fenish y Chiarn; as bee eh er ny leih da, son cre-erbee yn aggair t’eh er n’yannoo.

Jannoo 8:24

Eisht dreggyr Simon, as dooyrt eh, Guee-jee shiuish gys y Chiarn er my hon, nagh jig veg jeh ny reddyn ta shiuish er loayrt, orrym.

1 Corinthianee 14:4

Eshyn ta loayrt ayns chengey yoarree, t’eh gynsaghey eh-hene: agh eshyn ta preacheil, t’eh gynsaghey yn agglish.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

1 Ean 5:16

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 7:5

As dooyrt Samuel, Lhig da ooilley Israel ve er nyn jaglym cooidjagh ec Mizpeh, as goyms padjer er nyn son gys y Chiarn.

1 Samuel 7:8

As dooyrt cloan Israel rish Samuel, Ny scuirr dy yannoo aghin gys y Chiarn y Jee ain er nyn son, dy jean eshyn shin y hauail ass laue ny Philistinee.