Genesis 20:6 - Yn Vible Casherick 1775 1819

⁶ As dooyrt Jee rish ayns dreamal, Dy jarroo, ta fys aym dy ren oo shoh ayns neu-loghtynid dty chree: son ren mish myrgeddin dty lhiettal veih jannoo peccah m’oï: shen-y-fa cha lhig mee dhyt bentyn r’ee.

Genesis 20:6 ပူးပေါင်းရင်းမြစ်များ

Genesis 20:18

Son va’n Chiarn er yeigh seose ooilley breïnyn lught-thie Abimelech: er coontey Sarah ben Abraham.

Genesis 26:11

As hug Abimelech ooilley e phobble fo harey, gra, Eshyn vennys rish yn dooinney shoh, ny rish e ven, bee eh son shickyrys er ny choyrt gy-baase.

Genesis 3:3

Agh jeh mess y villey t’ayns mean y gharey, ta Jee er ghra, Cha jean shiu gee jeh, ny bentyn rish, er aggle nyn maaish.

Genesis 31:24

As haink Jee gys Laban yn Syrian, ayns dreamal ’syn oie, as dooyrt eh rish, Jeeagh, nagh loayr oo rish Jacob edyr mie ny sie.

Genesis 31:7

As ta’n ayr eu er my volley, as er chaghlaa my aill dy mennick: agh cha lhig Jee da aggair ’yannoo dou.

Genesis 35:5

As hie ad er nyn yurnah: as va atchim Yee er ny ard-valjyn, va mygeayrt-y-moo, as cha deiyr ad er mec Yacob.

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Psalmyn 81:12

Agh cha baillish my phobble geaishtagh rish my choraa: as cha baillish Israel biallys y choyrt dou.

Psalmyn 84:11

Bare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

Exodus 34:24

Son eiyr-yms magh ny ashoonyn royd, as sheeyn-yms magh dty ardjyn; chamoo ver dooinney erbee saynt da dty halloo, tra hed oo seose dy hebbal oo hene fenish y Chiarn dty Yee, three keayrtyn ’sy vleïn.

Raaghyn Creeney 21:1

Ta cree y ree ayns laue y Chiarn, myr ny strooanyn ushtey: t’eh dy hyndaa ad raad saillish hene.

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Leviticus 6:2

My ta persoon erbee jannoo peccah as loght noi’n Chiarn, as dy breagagh gobbal da e naboo shen ny va currit da, fo e churrym, ny ayns dellal, ny ayns nhee erbee t’er ny ghoaill ersooyl lesh tranlaase, ny ta er volley e naboo:

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

1 Corinthianee 7:1

Nish mychione ny reddyn scrieu shiu hym: Te mie son dooinney gyn dy ve kianlt gys ben.

2 Corinthianee 6:17

Shen-y-fa tar-jee magh veih nyn mast’ oc, as bee-jee er nyn scarrey voue, ta’n Chiarn dy ghra, as ny benn-jee rish yn red neu-ghlen; as neem’s goaill riu,

2 Thessalonianee 2:11

As er-yn-oyr shoh ver Jee huc cleayn lajer, dy jinnagh ad breg y chredjal:

2 Thessalonianee 2:7

Son ta’n folliaght dy vee-chraueeaght hannah gobbraghey; agh eshyn ta nish lhiettal, [nee eh lhiettal] derrey vees eh goit ass y raad.

1 Samuel 25:26

Nish er-y-fa shen, my hiarn, myr ta’n Chiarn bio, as myr ta dty annym bio, fakin dy vel y Chiarn er dty lhiettal veih cheet dy gheayrtey fuill, as veih cooilleeney ’ghoaill lesh dty laue hene, nish lhig da dty noidyn, as adsyn ta shirrey olk y yannoo da my hiarn, ve myr Nabal.

1 Samuel 25:34

Son dy firrinagh, myr ta’n Chiarn Jee Israel bio, ta er my reayll veih jannoo aggair dhyt, er-be dy ren oo siyr, as dy daink oo my whail, son shickyrys cha beagh fer hene jeh deiney Nabal faagit bio rish soilshey’n laa.