Genesis 20:5 - Yn Vible Casherick 1775 1819

⁵ Nagh dooyrt eshyn rhym; She my huyr ee? as dooyrt ish, dy jarroo ee-hene, She my vraar eh: ayns ônid my chree, as gyn-loghtynid my laueyn, ta mee er n’yannoo shoh.

Genesis 20:5 ပူးပေါင်းရင်းမြစ်များ

Genesis 12:13

Abbyr, ta mee guee ort, dy nee oo my huyr: dy vod eh ve mie mârym er dty ghraih’s, as bee my vioys er ny hauail er y choontey ayd’s.

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

Genesis 20:16

As dooyrt eh rish Sarah, Cur-my-ner, ta mee er choyrt da dty vraar thousane peesh dy argid: cur-my-ner, t’eshyn son fendeilagh sooilley, chammah dhyt hene, as dauesyn ooilley ta bentyn rhyt. Shoh myr hooar eh foill j’ee.

1 Reeaghyn 9:4

As my nee uss shooyl kiongoyrt rhym myr ren David dt’ayr, ayns ônid cree, as ayns ynrickys, dy yannoo cordail rish ooilley ny ta mee er harey dhyt, as my reayllys oo my lattyssyn as my vriwnyssyn;

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Lioar Yob 33:9

Ta mee glen veih drogh-yannoo, ta mee gyn-loght; chamoo ta mee-chairys erbee aynym.

Psalmyn 24:4

Eshyn eh ta laueyn glen echey, as cree gyn-loght: as nagh vel er hoiaghey e aigney er foalsaght, as nagh vel er ghoaill loo dy volley e naboo.

Psalmyn 25:21

Livrey Israel, O Yee: veih ooilley e heaghyn.

Psalmyn 26:6

Niee-ym my laueyn ayns ônid, O Hiarn: as myr shen hem gys dty altar;

Psalmyn 7:8

Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’aynym.

Psalmyn 7:9

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Psalmyn 73:13

Fey-ny-laa ta mee er ve er my cherraghey: as er my smaghtaghey dy chooilley voghrey;

Psalmyn 78:72

Myr v’eh geiyrt er ny kirree trome lesh eayin, ghow eshyn eh: dy voddagh eh bochillaght Jacob e phobble, as Israel e eiraght.

Raaghyn Creeney 11:3

Nee ynrickys y vooinjer yeeragh adsyn y leeideil, agh nee mee-reiltys drogh-yantee adsyn y stroie.

Raaghyn Creeney 20:7

Ta dooinney cairal shooyl ayns e ynrickys: ta e chloan bannit ny yeï.

Daniel 6:22

Ta my Yee er choyrt e ainle, as er yeigh beïll ny lionyn, nagh vel ad er n’yannoo skielley dou: son wheesh as kiongoyrt rishyn va mee er my gheddyn gyn loght; as myrgeddin kiongoyrt rhyt’s, O ree, cha vel mee er n’yannoo aggair.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

1 Thessalonianee 2:10

Ta shiuish feanishyn, as Jee myrgeddin, cre cha crauee as ynrick, as gyn loght dymmyrk shin shin-hene nyn mast’ euish ta credjal:

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue:

Joshua 22:22

Ec y Chiarn Jee dy yeeghyn, ec y Chiarn Jee dy yeeghyn, ta fys; as nee Israel hene toiggal; my te er-chee dy irree magh, ny ayns mee-viallys da’n Chiarn, (shen myr choonys eh lhien,)