Genesis 20:3 - Yn Vible Casherick 1775 1819

³ Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 20:3 ပူးပေါင်းရင်းမြစ်များ

Genesis 12:17

As ren y Chiarn seaghney Pharaoh as e hie lesh doghanyn dewilley, er coontey Sarai ben Abram.

Genesis 12:18

As deïe Pharaoh er Abram as dooyrt eh, Cre shoh t’ou er n’yannoo rhym? cre’n-fa nagh dinsh oo dou dy nee dty ven v’ee?

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 28:12

As ren eh dreamal, as honnick eh myr aarey soit er y thalloo, as va’n mullagh echey roshtyn gys niau: as cur-my-ner, ainleyn Yee goll seose, as cheet neose er,

Genesis 31:24

As haink Jee gys Laban yn Syrian, ayns dreamal ’syn oie, as dooyrt eh rish, Jeeagh, nagh loayr oo rish Jacob edyr mie ny sie.

Genesis 37:5

As ren Joseph dreamal, ren eh ginsh da e vraaraghyn; as shen myr smoo va feoh oc er.

Genesis 37:9

As ren eh reesht dreamal elley, as dinsh eh da e vraaraghyn eh, as dooyrt eh, Cur-my-ner, ta mee er n’yannoo dreamal elley, as cur-my-ner, ren y ghrian, as yn eayst, as ny un rollageyn jeig biallys dou.

Genesis 40:5

As ren ad ny-neesht dreamal, dagh fer jeu e ghreamal ’syn un oie, dagh dooinney rere e ghreamal; yn ard-vutler as stiurt ree Egypt, va ayns y phryssoon.

Genesis 40:8

As dooyrt ad rish, Ta shin er n’yannoo dreamal, as cha vel fer erbee dy chur dooin toiggal jeh. As dooyrt Joseph roo, Nagh nee gys Jee ta bentyn dy hoilshaghey folliaghtyn? insh-jee dooys ad, ta mee guee erriu.

Genesis 46:2

As loayr Jee rish Israel ayns ashlishyn ny hoie, as dooyrt eh, Yacob, Yacob. As dooyrt eh, Ta mee ayns shoh.

1 Recortyssyn 16:21

Cha lhig eh da dooinney erbee aggair ’yannoo daue: agh hug eh oghsan da eer reeaghyn er y ghraih oc,

Lioar Yob 33:15

Ayns dreamal, ayns ashlish ny hoie, tra ta cadley trome tuittym er deiney, ayns saveenagh er y lhiabbee,

Lioar Yob 33:17

Dy vod eh dooinney y hyndaa veih peccah as keiltyn moyrn veih dooinney.

Psalmyn 105:14

Cha lhig eh da dooinney erbee aggair ’yannoo daue: agh hug eh oghsan da eer reeaghyn er y ghraih oc.

Jonah 3:4

As ghow Jonah toshiaght dy gholl stiagh ’syn ard-valley lesh jurnah laa, as dockle eh magh e choraa, as dooyrt eh, Foast ec kione da-eed laa, as bee Nineveh er ny stroie.

Earrooyn 22:9

As haink Jee gys Balaam [ayns ashlish] as dooyrt eh, Quoi ny deiney shoh ta mayrt?

Noo Mian 1:20

Agh choud as va ny reddyn shoh er e aigney, cur-my-ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.