Genesis 20:2 - Yn Vible Casherick 1775 1819

² As loayr Abraham mychione Sarah e ven, gra, She my huyr ee: as hug Abimelech ree Gerar fys, as ghow eh Sarah.

Genesis 20:2 ပူးပေါင်းရင်းမြစ်များ

Genesis 12:15

Honnick princeyn Pharaoh ee myrgeddin, as voyll ad ee kiongoyrt rish Pharaoh: as va’n ven goit stiagh gys thie Pharaoh.

Genesis 20:12

As ny-yeih t’ee dy jarroo my huyr; son t’ee inneen my ayrey, agh cha nee inneen my vayrey: as haink ee dy ve my ven.

Genesis 21:22

As haink eh gy-kione, ec y traa shen, dy ren Abimelech as Phicol, ard-chaptan e heshaght-chaggee, loayrt rish Abraham gra, Ta Jee mayrt ayns ooilley ny t’ou dy yannoo.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

Genesis 26:16

As dooyrt Abimelech rish Isaac, Immee voïn, son t’ou uss foddey s’pooaral na shinyn.

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

2 Recortyssyn 19:2

As hie Jehu mac Hanani yn fakyder magh ny whail, as dooyrt eh rish ree Jehoshaphat, Cre v’ayd’s dy yannoo ayns cooney lesh ny mee-chrauee, as dy hassoo lhieusyn ta dwoaie oc er y Chiarn? shen-y-fa ta’n Chiarn neu-wooiagh jeed.

2 Recortyssyn 20:37

Eisht ren Eliezer, mac Dodavah jeh Mareshah, phadeyrys noi Jehoshaphat, gra, Er-yn-oyr dy vel oo er n’yannoo conaant rish Ahaziah, ta’n Chiarn cur naardey dt’obbraghyn. As va ny lhongyn brisht, nagh row ad son goll gys Tarshish.

2 Recortyssyn 32:31

Ny-yeih, ayns cooish princeyn Vabylon, haink er chaghteraght huggey dy vriaght mychione y cowrey mirrilagh va jeant ’sy cheer, daag Jee eh da hene dy phrowal eh, as dy choyrt toiggal da jeh annooinid e chree hene.

Raaghyn Creeney 24:16

Son ta’n dooinney cairagh tuittym ayns seaghyn shiaght keayrtyn, as t’eh girree reesht: agh nee drogh-sleih tuittym fo drogh haghyrtyn.

Raaghyn Creeney 29:25

Ta aggle dooinney dy hayrn eh ayns ribbey: agh bee kemmyrk echeysyn ver e varrant er y Chiarn.

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Ecclesiastes 7:20

Son cha vel dooinney cairal er yn ooir cha mie shen, nagh vel jannoo peccah.

Ephesianee 4:25

Shen-y-fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;