Genesis 20:12 - Yn Vible Casherick 1775 1819

¹² As ny-yeih t’ee dy jarroo my huyr; son t’ee inneen my ayrey, agh cha nee inneen my vayrey: as haink ee dy ve my ven.

Genesis 20:12 ပူးပေါင်းရင်းမြစ်များ

Genesis 11:29

As ghow Abram as Nahor dagh fer jeu ben: va ben Abram enmyssit Sarai: as ben Nahor, Milcah, inneen Haran, ayr Milcah, as ayr Iscah.

Genesis 12:13

Abbyr, ta mee guee ort, dy nee oo my huyr: dy vod eh ve mie mârym er dty ghraih’s, as bee my vioys er ny hauail er y choontey ayd’s.

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

Genesis 20:2

As loayr Abraham mychione Sarah e ven, gra, She my huyr ee: as hug Abimelech ree Gerar fys, as ghow eh Sarah.

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

2 Samuel 13:13

As er my hon’s, c’raad hem dy choodaghey my nearey? as er dty hon’s, bee oo myr fer jeh ny ommydanyn scammyltagh ayns Israel. Nish er-y-fa shen, ta mee guee ort, loayr rish y ree; son cha vreill eh mee voïd.

1 Thessalonianee 5:22

Freill-jee shiu hene veih dy chooilley chaslys dy olkys.