Genesis 20:11 - Yn Vible Casherick 1775 1819

¹¹ As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 20:11 ပူးပေါင်းရင်းမြစ်များ

Genesis 12:12

Shen-y-fa, hig eh gy-kione, tra ver ny Egyptianee my-ner oo, dy jir ad, Shoh yn ven echey: as ver ad mish gy-baase, agh sauee ad uss bio,

Genesis 20:10

As dooyrt Abimelech rish Abraham, Cre er v’ou smooinaghtyn, tra ren oo shoh?

Genesis 20:12

As ny-yeih t’ee dy jarroo my huyr; son t’ee inneen my ayrey, agh cha nee inneen my vayrey: as haink ee dy ve my ven.

Genesis 22:12

As dooyrt eh, Ny cur dty laue er y ghuilley, chamoo jean red erbee rish: son nish ta fys aym, dy vel oo goaill aggle roish Jee, fakin nagh vel oo er vreayll dty vac, dty ynrycan vac, voym’s.

Genesis 26:7

As dênee deiney yn ynnyd jeh mychione e ven: as dooyrt eh, She my huyr ee: son va aggle er dy ghra, She my ven ee, er-aggle, dooyrt eh, dy jinnagh deiney yn ynnyd m’y varroo, er graih Rebekah, son dy row ee aalin dy yeeaghyn urree.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 28:28

As rish dooinney dooyrt eh, Cur-my-ner, aggle y Chiarn, shen ta creenaght; as dy haghney yn olk, shen ta tushtey.

Psalmyn 14:4

Agh t’ad ooilley er gholl ass y raad, t’ad ooilley-cooidjagh er jeet dy ve feohdoil: cha vel unnane ta jannoo dy mie, cha vel eer unnane.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 16:6

Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 2:5

Eisht toiggee oo aggle y Chiarn, as yiow briaght jeh tushtey dty Yee.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Romanee 3:18

Cha vel aggle Yee edyr roish nyn sooillyn.