Genesis 20:1 - Yn Vible Casherick 1775 1819

¹ As ghow Abraham e yurnah veih shen lesh y cheer my-yiass, as ren eh cummal eddyr Kadesh as Shur, as v’eh er e yoarreeaght ayns Gerar.

Genesis 20:1 ပူးပေါင်းရင်းမြစ်များ

Genesis 10:19

As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

Genesis 12:9

As ghow Abram e yurnah, goll er e hoshiaght my-yiass.

Genesis 13:1

As jimmee Abram magh ass Egypt, eh hene, as e ven, as ooilley ny va echey, as Lot mârish, lesh y jiass.

Genesis 14:7

As hyndaa ad, as haink ad gys En-mishpat, ta shen Kadesh, as stroie ad slane cheer ny Amalekiteyn, as myrgeddin ny Amoriteyn va cummal ayns Hazezon-tamar.

Genesis 16:1

Nish cha ren Sarai ben Abram cloan y ymmyrkey da: as va inney-veyl eck, ny Egyptian, enmyssit Hagar.

Genesis 16:14

Shen-y-fa va’n chibbyr enmyssit Beer-lahai-roi; cur-my-ner te eddyr Kadesh as Bered.

Genesis 16:7

As hooar ainle y Chiarn ee liorish farrane ushtey ayns yn aasagh, liorish y chibbyr t’ayns y raad gys Shur.

Genesis 18:1

As ren y Chiarn eh hene y hoilshaghey da ayns cheer rea Mamre: as v’eh ny hoie ayns dorrys y chabbane, ayns chiass y laa.

Genesis 21:34

As va Abraham ny hroailtagh ayns cheer ny Philistinee ymmodee laghyn.

Genesis 24:62

As haink Isaac veih raad chibbyr Lahai-roi, son v’eh cummal ayns y cheer my-yiass.

Genesis 25:18

As va’n cummal oc veih Havilah gys Shur, ta shen, er slyst Egypt, myr t’ou goll lesh Assyria: as hooar eh baase mastey ooilley e vraaraghyn.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

Genesis 26:20

As va focklyn eddyr bochillyn Gerar as bochillyn Isaac, gra, Lhianyn yn ushtey: as denmys eh yn chibbyr Esek, er-yn-oyr dy ren ad streeu rish.

Genesis 26:26

Eisht hie Abimelech huggey veih Gerar, as Ahuzzath fer jeh e chaarjyn, as Phichol ard-chaptan e heshaght-chaggee.

Genesis 26:6

As ghow Isaac e chummal ayns Gerar.

Psalmyn 29:8

Ta coraa yn Chiarn cur er ny feeaïhee nyn lheiyee y hilgey, as roostey thammagyn chiu yn aasagh: as ayns e hiamble ta dy chooilley ghooinney loayrt jeh e ooashley.

Exodus 15:22

Myr shoh hug Moses lesh Israel veih’n Aarkey Jiarg, as ad y leeideil stiagh gys faasagh Shur, as ren ad troailt three laa ’syn aasagh, as cha dooar ad ushtey.

Earrooyn 13:26

As jimmee ad, as haink ad gys Moses, as gys Aaron, as gys ooilley sheshaght cloan Israel, gys faasagh Paran, gys Kadesh; as hug ad lhieu fys huc, as gys ooilley’n cheshaght, as yeeagh ad daue mess y cheer.

Earrooyn 20:16

As tra deïe shin gys y Chiarn, cheayll eh yn coraa ain, as hug eh ainle (veih niau), as t’eh er chur lesh shin magh ass Egypt; as cur-my-ner ta shin ayns Kadesh, ard-valley ayns dty ardjyn sodjey magh.

Deuteronomy 1:19

As tra daag shin Horeb, hie shin trooid ooilley’n faasagh mooar as atchimagh shen, honnick shiu er raad cheer-ard ny Amoriteyn, myr hug y Chiarn nyn Yee sarey dooin: as haink shin gys Kadesh-barnea.

Deuteronomy 32:51

Son dy ren shiu peccah m’oï, mastey cloan Israel, ec ushtaghyn Meribah-kadesh, ayns faasagh Zin; son nagh ren shiu m’y chasherickey, fenish cloan Israel.

1 Samuel 15:7

As woaill Saul ny Amalekiteyn veih Havilah derrey Shur, ta rish ardjyn Egypt.