Genesis 2:9 - Yn Vible Casherick 1775 1819

⁹ As magh ass y thalloo hug y Chiarn Jee er dy chooilley villey gaase ta pleasal da’n thooill, as mie son beaghey; yn billey dy vea myrgeddin t’ayns mean y gharey, as y billey dy hushtey jeh mie as sie.

Genesis 2:9 ပူးပေါင်းရင်းမြစ်များ

Genesis 2:17

Agh jeh’n billey dy hushtey jeh mie as sie, cha negin dhyt gee: son er y laa ee-ys oo jeh, bee oo dy shickyr fo briwnys baase.

Genesis 3:22

As dooyrt y Chiarn Jee, Cur-my-ner ta’n dooinney myr-yien er jeet dy ve myr unnane j’inyn, dy hoiggal mie as sie: as nish son nagh der eh magh e laue, as dy gow eh myrgeddin jeh billey’n vea, as gee jeh, as ve dy bragh beayn.

Genesis 3:24

Myr shen deiyr eh magh yn dooinney: as hoie eh kione-har garey Eden Cherubim, as cliwe ailagh va chyndaa er dy chooilley heu, dy lhiettal y raad gys billey yn vea.

Genesis 3:3

Agh jeh mess y villey t’ayns mean y gharey, ta Jee er ghra, Cha jean shiu gee jeh, ny bentyn rish, er aggle nyn maaish.

Genesis 3:5

Son ta fys ec Jee, er y laa nee shiu gee jeh, dy bee ny sooillyn eu foshlit: as dy bee shiu myr Jeeaghyn toiggal mie as sie.

Raaghyn Creeney 11:30

Ta mess y dooinney cairagh billey dy vea, as eshyn chosnys anmeenyn, t’eh creeney.

Raaghyn Creeney 3:18

T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Isaiah 44:25

Ta cur dyn veg cowraghyn ny breageryn; ta cur shaghrynys er ny fir-obbee; ta coyrt deiney creeney ass y raad, as jannoo nyn greenaght dy ve ommijys;

Isaiah 47:10

Son t’ou er hreishteil ayns dty vee-chraueeaght hene: t’ou er ghra, Cha vel unnane dy my akin. Ta dty chreenaght as dty hushtey er choyrt oo fo shaghrynys; as t’ou er ghra ayns dty chree, Shee mee hene t’ayn, as cha vel ayn agh mee.

Ezekiel 31:16

Hug mee er ny ashoonyn craa lesh feiyr e lhieggey, tra hilg mee sheese eh gys niurin, mâroosyn ta goll sheese gys yn oaie: as bee ooilley biljyn Eden, yn reih, as yn chooid share jeh Lebanon, ooilley ny ta giu ushtey, er nyn gherjaghey ayns ardjyn s’diuney y thallooin.

Ezekiel 31:18

Myr shoh quoi ta casley rhyt’s, ayns gloyr, as mooadys, mastey biljyn Eden? ny-yeih bee uss er dty injillaghey marish biljyn Eden, gys ardjyn s’diuney ny hooirey: nee oo lhie sheese fud ny chymmyltee, mâroosyn t’er ny varroo lesh y chliwe: shoh cowrey Pharaoh, as slane lught e phobble, ta’n Chiarn Jee dy ghra.

Ezekiel 47:12

As liorish yn awin, er e vroogh, dagh cheu jeh, nee gaase dy chooilley villey cour beaghey, e ghuillag cha jean fioghey, chamoo vees e vess er ny choyrt naardey: ver eh magh mess noa rere ny meeaghyn, er coontey dy ren ny ushtaghyn ocsyn geill magh ass yn ynnyd casherick, as bee yn mess oc son beaghey, as ny duillagyn oc son medshin.

Noo Ean 6:48

Mish arran y vea.

1 Corinthianee 8:1

Nish mychione reddyn t’er ny ouralley gys jallooyn, ta fys ain dy vel toiggal ain ooilley. Ta tushtey sheidey lesh moyrn, agh ta graih niartaghey ’sy chredjue.

Deuteronomy 6:25

As bee eh er ny choyrt gys y lieh ain son cairys, my nee mayd dy kiaralagh cooilleeney ooilley ny saraghyn shoh, kiongoyrt rish y Chiarn nyn Yee, myr t’eh er choyrt currym orrin.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.

Ashlish 22:2

Ayns mean y straid eck, as er dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.