Genesis 2:8 - Yn Vible Casherick 1775 1819

⁸ As ren y Chiarn Jee soiaghey garey my-hiar ayns Eden: as ayns shen hug eh yn dooinney v’eh er chroo,

Genesis 2:8 ပူးပေါင်းရင်းမြစ်များ

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Genesis 3:23

Shen-y-fa hug y Chiarn Jee magh eh ass garey Eden, dy obbraghey yn thalloo, veih v’eh er ny ghoaill.

Genesis 3:24

Myr shen deiyr eh magh yn dooinney: as hoie eh kione-har garey Eden Cherubim, as cliwe ailagh va chyndaa er dy chooilley heu, dy lhiettal y raad gys billey yn vea.

Genesis 4:16

As hie Cain magh veih fenish y Chiarn, as ren eh cummal ayns cheer Nod, shiar jeh Eden.

2 Reeaghyn 19:12

Vel jeeghyn ny ashoonyn er livrey adsyn ta my ayraghyn er stroie; myr Gozan, as Haran, as Rezeph, as cloan Eden va ayns Thelasar?

Isaiah 51:3

Son nee’n Chiarn Zion y gherjaghey: nee eh gerjaghey ooilley ny ynnydyn treigit eck, as nee eh yn aasagh eck myr Eden, as yn eaynagh eck myr garey yn Chiarn; bee boggey as gennallys er ny gheddyn ayn, toyrt-booise as coraa dy vingys.

Ezekiel 27:23

Haran, as Canneh, as Eden, marchanyn Sheba, Ashur, as Chilmad, v’ad ny dellaryn ayd’s.

Ezekiel 28:13

T’ou er ny ve ayns Eden garey Yee; dy chooilley chlagh chostal va dty choodagh, yn sardius, topaz, as y diamond, yn beryl, yn onyx, as y jasper; yn sapphire, yn emerald, as y carbuncle, as airh: va stoo obbrit dty habretyn, as ny feddanyn kiarit er dty hon, er-dyn laa v’ou troggit.

Ezekiel 31:16

Hug mee er ny ashoonyn craa lesh feiyr e lhieggey, tra hilg mee sheese eh gys niurin, mâroosyn ta goll sheese gys yn oaie: as bee ooilley biljyn Eden, yn reih, as yn chooid share jeh Lebanon, ooilley ny ta giu ushtey, er nyn gherjaghey ayns ardjyn s’diuney y thallooin.

Ezekiel 31:18

Myr shoh quoi ta casley rhyt’s, ayns gloyr, as mooadys, mastey biljyn Eden? ny-yeih bee uss er dty injillaghey marish biljyn Eden, gys ardjyn s’diuney ny hooirey: nee oo lhie sheese fud ny chymmyltee, mâroosyn t’er ny varroo lesh y chliwe: shoh cowrey Pharaoh, as slane lught e phobble, ta’n Chiarn Jee dy ghra.

Joel 2:3

Rhymboo ta aile stroie, as nyn gooyl ta yn lossey coyrt naardey: ta’n cheer myr garey Eden kiongoyrt roo, as nyn yeï faasagh follym-feayn, dy jarroo, as cha jean nhee erbee shaghney ad.