Genesis 2:5 - Yn Vible Casherick 1775 1819

⁵ As dy chooilley villey jeh’n vagher roish my row ad er yn ooir, as ooilley lossreeyn y vagher roish my daase ad; son cha row yn Chiarn Jee foast er choyrt fliaghey er yn ooir, as cha row dooinney ayn dy laboragh y thalloo.

Genesis 2:5 ပူးပေါင်းရင်းမြစ်များ

Genesis 2:6

Agh hrog kay seose veih yn thalloo, ren gushtaghey slane eaghtyr ny hooirey.

Genesis 3:23

Shen-y-fa hug y Chiarn Jee magh eh ass garey Eden, dy obbraghey yn thalloo, veih v’eh er ny ghoaill.

Genesis 4:12

Tra t’ou laboragh y thalloo, cha jean ee, maghey shoh, gymmyrkey dhyt’s e niart; dty yoarree, as dty wagaantagh vees oo er yn ooir.

Genesis 4:2

As reesht dymmyrk ee e vraar Abel; as v’ec Abel ymmodee shioltaneyn keyrragh, agh va Cain cur rish obbyr hallooin.

Lioar Yob 5:10

Ta cur fliaghey er y thalloo, as deayrtey ushtey er ny magheryn:

Psalmyn 104:14

T’eh cur magh faiyr son y maase: as messyn y vagheragh son ymmyd dooinney;

Psalmyn 135:7

T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Jeremiah 10:12

T’eshyn er chroo yn thalloo liorish e phooar, t’eh er hoiaghey yn seihll liorish e chreenaght, as er heeyney magh ny niaughyn liorish e hushtey.

Jeremiah 10:13

Tra t’eh cur magh e choraa ayns taarnagh, ta weight ushtey ’syn aer, as t’eh cur er y kay dy hroggal veih ardjyn sodjey magh yn ooir; t’eh lhiggey magh ny tendreilyn lesh y fliaghey, as cur magh yn gheay ass e hashtaghyn.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu-chairagh.

Hebrewnee 6:7

Son y thalloo ta soo yn fliaghey ta tuittym dy mennick er, as gymmyrkey lossyreeyn cooie er nyn son ocsyn ta dy obbraghey eh, te geddyn bannaght veih Jee: