Genesis 2:3 - Yn Vible Casherick 1775 1819

³ As vannee Jee yn chiaghtoo laa, as ren eh eh y chasherickey, er-y-fa dy nee er (y laa shen) v’eh er scuirr veih ooilley e obbyr va Jee er chroo, as er n’yannoo.

Genesis 2:3 ပူးပေါင်းရင်းမြစ်များ

Genesis 1:31

As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Genesis 2:2

As er y chiaghtoo laa scuirr Jee veih yn obbyr v’eh er chroo; as ghow eh fea er y chiaghtoo laa veih ooilley e obbyr v’eh er chroo.

Genesis 2:4

Shoh coontey jeh toshiaght ny niaughyn as y thalloo, tra v’ad er nyn groo, er y laa ren y Chiarn Jee yn thalloo as ny niaughyn y chroo,

Nehemiah 9:14

As hoilshee oo daue dty ghoonaght casherick, as hug oo daue oardaghyn, slattyssyn, as leighyn, liorish laue Voses dty harvaant.

Exodus 23:12

Shey laa nee oo dty obbyr, as er y chiaghtoo laa gowee oo fea: dy vod dty ghow as dty assyl aash y ghoaill, as dy vod mac dty inney-veyl, as y joarree v’er nyn ooraghey.

Exodus 34:21

Shey laa nee oo gobbraghey, agh er y chiaghtoo laa gowee oo fea. Ayns yn niarragh, as ’syn ouyr, nee oo fea y ghoaill.

Raaghyn Creeney 10:22

Ta bannaght y Chiarn berchagh, as cha vel eh coyrt seaghyn erbee lesh.

Ezekiel 20:12

Ny sodjey na shoh, hug mee daue my ghooneeyn, dy ve son cowrey eddyr mish as adsyn, dy voddagh fys y ve oc, dy nee mish y Chiarn, ta dy chasherickey ad.

Leviticus 23:3

Shey laa vees obbyr er ny yannoo: agh ta’n chiaghtoo laa doonaght dy aash, as son meeiteil casherick; cha jean shiu veg yn obbyr er: she doonaght y Chiarn eh ayns ooilley nyn gummallyn.

Noo Mark 2:27

As dooyrt eh roo, Va’n doonaght er ny yannoo son dooinney, as cha nee dooinney son y doonaght:

Noo Luke 23:56

As haink ad rhymboo, as hooar ad aarloo spiceyn as ooilyn; as ghow ad fea er laa yn doonaght cordail rish yn anney.