Genesis 2:19 - Yn Vible Casherick 1775 1819

¹⁹ As jeh’n ooir chroo yn Chiarn Jee ooilley beiyn y vagher as ooilley eeanlee yn aer, as hug eh lesh ad gys Adam, dasyn dy choyrt ennym orroo: as cre-erbee yn ennym hug Adam er dagh cretoor bio, shen va’n ennym echey.

Genesis 2:19 ပူးပေါင်းရင်းမြစ်များ

Genesis 1:28

As vannee Jee ad, as dooyrt Jee roo, Bee-jee messoil, as jean-jee bishaghey, as jean-jee yn seihll magh lesh cummaltee, as reill-jee harrish: as ta pooar eu harrish eeastyn ny marrey, as harrish eeanlee yn aer, as harrish dy chooilley nhee bio ta gleashagh er y thalloo.

Genesis 6:20

Jeh ny eeanlee lurg nyn ghooghys, as jeh’n maase lurg nyn ghooghys, jeh dagh nhee ta snaue er y thalloo lurg e ghooghys: hig jees jeh dagh horch hood’s dy reayll ad bio.

Genesis 9:2

As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.