Genesis 2:18 - Yn Vible Casherick 1775 1819

¹⁸ As dooyrt y Chiarn Jee, Cha vel eh mie yn dooinney dy ve ny-lomarcan: neem’s sheshey da son cooney cooie er e hon.

Genesis 2:18 ပူးပေါင်းရင်းမြစ်များ

Genesis 1:31

As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Genesis 2:20

As hug Adam ennym er ooilley’n maase, as er eeanlee yn aer, as er ooilley beiyn y vagher: agh er son Adam, cha row cooney cooie er ny gheddyn.

Genesis 3:12

As dreggyr y dooinney, Yn ven hug uss dou dy ve mârym, hug ish dou jeh mess y villey, as ren mee gee.

Raaghyn Creeney 18:22

Quoi-erbee ta geddyn ben (vie) t’eh geddyn gioot mie, as cosney bannaght veih’n Chiarn.

1 Corinthianee 7:36

Agh my ta dooinney erbee smooinaghtyn dy vel eh dy ymmyrkey eh-hene dy neu-yesh gys e voidyn, my t’ee er n’gholl harrish blaa yn eash eck, as eh ymmyrchagh myr shen dy ve, lhig da ’aigney y yannoo, cha vel eh jannoo peccah: lhig daue poosey.

1 Peddyr 3:7

Myrgeddin, shiuish gheiney-poost, jean-jee baghey mâroo cordail rish tushtey, coyrt onnor da’n ven myr da’n saagh s’annooinee, as myr co-eiraghyn jeh grayse y vea; nagh bee ny padjeryn eu er nyn lhiettal.

Ruth 3:1

Eisht dooyrt Naomi e moir-’sy-leigh r’ee, My inneen, nagh vel eh lhie orrym’s dy gheddyn ynnyd-vaghee shickyr er dty hon, dy vod oo ve dy mie ’sy theihll?