Genesis 2:17 - Yn Vible Casherick 1775 1819

¹⁷ Agh jeh’n billey dy hushtey jeh mie as sie, cha negin dhyt gee: son er y laa ee-ys oo jeh, bee oo dy shickyr fo briwnys baase.

Genesis 2:17 ပူးပေါင်းရင်းမြစ်များ

Genesis 2:9

As magh ass y thalloo hug y Chiarn Jee er dy chooilley villey gaase ta pleasal da’n thooill, as mie son beaghey; yn billey dy vea myrgeddin t’ayns mean y gharey, as y billey dy hushtey jeh mie as sie.

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 3:11

As dooyrt eh, Quoi dinsh dhyt dy row rooisht? Vel oo er n’ee jeh’n villey my-e-chione hug mee sarey dhyt, nagh jinnagh oo gee jeh.

Genesis 3:17

As dooyrt eh rish Adam, Er-y-fa dy vel oo er choyrt geill da goan dty ven, as dy vel oo er n’ee jeh’n villey my-e-chione ren mee dty harey, gra, Cha negin dhyt gee jeh: cursit ta’n thalloo kyndagh rhyt’s: ayns trimshey nee oo gee jeh ooilley laghyn dty vea.

Genesis 3:19

Ayns ollish dty vaaish nee oo gee dty arran, derrey chyndaa-ys oo gys yn ooir: son ass shen v’ou er dty ghoaill: son joan oo, as gys joan nee oo reesht chyndaa.

1 Reeaghyn 2:37

Son shen myr vees eh, er y laa dy jeu magh, as goll harrish awin Kidron, bee fys ayd son firrinys dy bee oo ayns shickyrys er dty choyrt gy-baase: bee dty uill er dty chione hene.

1 Reeaghyn 2:42

As hug y ree fys, as deïe eh er Shimei, as dooyrt eh rish, Nagh dug mee ort loo liorish y Chiarn, as breearrey dhyt, gra, Toig son shickyrys, er y laa hed oo magh, as oo dy hooyl mygeayrt boayl erbee, dy bee oo er dty choyrt gy-baase as dooyrt uss rhym’s, S’mie ta’n fockle ta mee er chlashtyn.

Jeremiah 26:8

Nish haink eh gy-kione, erreish da Jeremiah v’er loayrt ooilley ny va’n Chiarn er n’oardaghey da dy loayrt rish ooilley’n pobble, dy ren ny saggyrtyn, as ny phadeyryn, as ooilley’n pobble, eh y ghreimmey, gra, Bee oo son shickyrys er dty choyrt gy-baase.

Ezekiel 18:13

T’er chur magh er use, as er n’ghoaill bishaghey: bee y lheid echeysyn bio? Cha bee eh bio: t’eh er n’yannoo ooilley ny ard-pheccaghyn shoh, yiow eh son shickyrys baase, bee yn uill echey er e chione hene.

Ezekiel 18:32

Son cha vel taitnys erbee aym’s ayns y vaase echeysyn ta cherraghtyn, ta’n Chiarn Jee dy ghra: shen-y-fa chyndaa-jee shiu hene, as bee-jee bio.

Ezekiel 18:4

Cur-my-ner, ta dy chooilley annym lhiam’s, myr ta annym yn ayr, myr shen ta annym y vac lhiam’s: yn annym ta jannoo peccah, yiow eh baase.

Ezekiel 33:14

Reesht, tra ta mee gra rish y vee-chrauee, Yiow dy shickyr baase: my nee eshyn chyndaa veih e pheccah, as jannoo shen ta lowal as jeeragh;

Ezekiel 33:8

Tra ta mee gra rish ny mee-chrauee, O ghooinney mee-chrauee, yiow uss dy shickyr baase; mannagh vel uss loayrt, dy chur raaue da’n dooinney mee-chrauee dy lhiasaghey e raad, yiow yn dooinney mee-chrauee shen baase ayns e vee-chairys; agh yn uill echey neem’s shirrey ec dty laue’s.

Earrooyn 26:65

Son mychione oc shoh dooyrt y Chiarn, Yiow ad son shickyrys baase ayns yn aasagh. As cha row dooinney jeu er-mayrn, agh Caleb mac Jephunneh, as Joshua mac Nun.

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny-lomarcan jannoo ny reddyn cheddin ad-hene, agh ta taitnys oc ayndoosyn ta cur roo.

Romanee 6:16

Nagh vel fys eu, da quoi-erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys cairys?

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:22

Son ’naght myr ayns Adam ta ooilley geddyn baase, dy jarroo myr shen ayns Creest bee ooilley jeant bio.

1 Corinthianee 15:56

Gah yn vaaish she peccah eh; as niart peccah yn leigh eh.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Deuteronomy 27:26

Cursit t’eshyn, nagh vel shassoo gys ooilley goan y leigh shoh, dy chooilleeney ad: as jir ooilley’n pobble, Amen.

Deuteronomy 30:15

Jeeagh, ta mee er hoiaghey royd yn laa jiu bea as mie, baase as olk:

Deuteronomy 30:19

Ta mee goaill niau as thalloo son feanish nyn ’oï, yn laa t’ayn jiu, dy vel mee er hoiaghey reue bea as baase, bannaght as mollaght: shen-y-fa gow bea myr reih, dy vod chammah oo hene as dty luight ve beayn:

Colossianee 2:13

As shiuish va marroo ayns nyn beccaghyn, as ayns yn an-ghiarey-chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn,

1 Timothy 5:6

Agh ish ta baghey ayns reamys neu-lowal, t’ee marroo ga dy vel ee bio.

Jamys 1:15

Eisht tra ta saynt er ghientyn, t’eh gymmyrkey magh peccah: as ta peccah, tra te cooilleenit, gymmyrkey magh baase.

1 Ean 5:16

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish y nah vaase.

Ashlish 20:14

As va’n baase as yn oaie er nyn dilgey ayns y logh dy aile: Shoh’n nah vaase.

Ashlish 20:6

Maynrey as casherick t’eshyn ta ayrn echey ayns y chied irree-seose-reesht: orroo shoh cha vel pooar ec y nah vaase, agh bee ad saggyrtyn Yee, as Chreest, as nee ad reill marish son thousane bleïn.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Briwnyn 3:2

Dy voddagh sluight cloan Israel ve ynsit dy chaggey, yn chooid sloo nyn lheid as nagh row cliaghtit er roïe;)

1 Samuel 14:39

Son myr ta’n Chiarn bio, ta sauail Israel, ga dy beagh eh ayns Jonathan my vac, bee eh dy shickyr er ny choyrt gy-baase. Agh cha row dooinney mastey ooilley’n pobble hug ansoor da.

1 Samuel 14:44

As dreggyr Saul, Shoh as ny smoo dy der Jee orrym; mannagh bee oo er dty choyrt gy-baase, Yonathan.

1 Samuel 20:31

Son choud’s ta mac Jesse bio er eaghtyr y thallooin, cha bee oo er dty niartaghey ayns dty reeriaght: shen-y-fa, cur fys er, as lhiat hym eh, son bee eh dy shickyr er ny choyrt gy-baase.

1 Samuel 22:16

As dooyrt y ree, Bee uss dy shickyr er ny choyrt gy-baase, Ahimelech, oo-hene, as ooilley thie dty ayrey.