Genesis 19:8 - Yn Vible Casherick 1775 1819

⁸ Cur-my-ner nish, ta daa inneen aym, nagh vel enney oc er dooinney, lhig dou, ta mee guee erriu, ad y choyrt lhiam magh hiu, as jean-jee roo myr sailliu hene: ynrycan rish ny deiney shoh ny jean-jee veg, son dy ghoaill aaght haink ad stiagh fo my chlea.

Genesis 19:8 ပူးပေါင်းရင်းမြစ်များ

Genesis 18:5

As ver-ym lhiam greme dy arran, as jean-jee nyn greeaghyn y gherjaghey; ny lurg shen hed shiu er nyn doshiaght: son er-yn-oyr shen, ta shiu er jeet gys nyn sharvaant. As dooyrt ad, Jean myr t’ou er ghra.

Genesis 19:7

As dooyrt eh, Ta mee guee erriu, vraaraghyn, ny jean-jee lheid y peccah.

Genesis 42:37

As loayr Reuben rish e ayr, gra, Marr my ghaa vac, mannagh der-ym lhiam hood’s eh; cur fo my laue eh, as ver-ym lhiam hood eh reesht.

Exodus 32:22

As dooyrt Aaron, Ny lhig da corree my hiarn ve er ny vrasnaghey; shione dhyt y pobble, dy vel ad soit er olk.

Raaghyn Creeney 9:7

Eshyn ta cur oghsan da’n ghrynder, t’eh geddyn nearey da hene; as eh ta coyrlaghey yn vee-chrauee, t’eh tayrn er hene oltooan.

Isaiah 58:7

Nagh nee dy rheynn dty arran er ny accryssee, as dy der oo lhiat ny ymmyrchee ta gyn fastee gys dty hie? tra hee oo yn roosteen, dy der oo eaddagh da; as nagh jean oo oo hene y cheiltyn veih dty eill hene?

Noo Mark 9:6

Son cha row fys echey cre dy ghra, son s’mooar yn aggle v’orroo.

Romanee 3:8

Agh cha nee (myr ta shin er nyn oltooan, as myr ta paart lhiassaghey dy vel shin gra,) Lhig dooin olk y yannoo, dy vod mie cheet jeh? ta’n deyrey oc cairagh.

Briwnyn 19:23

As hie dooinney’n thie magh, as dooyrt eh roo, Ta mee guee erriu, my vraaraghyn, ny jean-jee lheid y peccah eajee; fakin dy vel y dooinney shoh er jeet stiagh fo my chlea, ny jean-jee yn ommijys shoh.

Briwnyn 19:24

Cur-my-ner, ta my inneen ayns shoh, ny moidyn, as co-lhiabbagh y dooinney shoh; ad shoh ver-ym lhiam magh hiu nish, as gow-jee ad, as jean-jee roo myr sailliu: agh rish yn dooinney shoh, ny jean-jee lheid y peccah feohdagh.

Briwnyn 9:15

As dooyrt y dress rish ny biljyn, My ta shiu dy jarroo dy ooilaghey mish dy ve ree harriu, eisht tar-jee as cur-jee nyn marrant er y scadoo aym’s; as mannagh jean shiu, lhig da aile cheet magh veih’n dress, as stroie biljyn-cedar Lebanon.