Genesis 19:5 - Yn Vible Casherick 1775 1819

⁵ As deïe ad da Lot, as dooyrt ad rish, Cre vel ny deiney haink stiagh hood’s noght? cur ad magh hooinyn, dy vod mayd enney ’choyrt orroo.

Genesis 19:5 ပူးပေါင်းရင်းမြစ်များ

Genesis 19:6

As hie Lot magh er y dorrys huc, as ghooin eh yn dorrys ny yeï.

1 Reeaghyn 14:24

As va Sodomiteyn myrgeddin ’sy cheer; as ren ad cordail rish ooilley obbraghyn feohdagh ny ashoonyn, ad ren y Chiarn tilgey magh kiongoyrt rish cloan Israel.

1 Reeaghyn 22:46

As fooilliagh ny Sodomiteyn va er-mayrn rish lhing e ayr Asa, deiyr eh ass y cheer.

Isaiah 1:9

Er-be dy daag Chiarn ny flaunyssee dooin sluight fardalagh, veagh shin er ve myr Sodom, as casley rish Gomorrah.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Jeremiah 3:3

Shen-y-fa ta ny frassyn er nyn lhiettal, as cha vel y fliaghey jerrey-bleeaney er jeet; as va eddin streebagh ayd, dob oo nearey y ghoaill.

Jeremiah 6:15

Row nearey orroo tra v’ad er n’yannoo yn peccah dwoaiagh? beggan, cha row veg y nearey orroo, chamoo ren ad jiargaghey; shen-y-fa nee ad tuittym mastey ad shen huittys: tra hig-yms orroo ayns kerraghey bee ad lhieggit gys yn ooir, ta’n Chiarn dy ghra.

Ezekiel 16:49

Cur-my-ner, shoh va loght dty huyr Sodom, moyrn, sonnys arran, as litcheraght lhome va aynjee, as ayns ny inneenyn eck, chamoo ren ee laueyn yn voght as yn ymmyrchagh y niartaghey.

Ezekiel 16:50

As v’ad ard-chreeagh, as chur ad rish peccaghyn eajee kiongoyrt rhym: shen-y-fa scugh mee voym ad myr honnick mee cooie.

Ezekiel 16:51

Chamoo ta Samaria er n’yannoo yn derrey lieh jeh dty pheccaghyn; agh t’ou uss er vishaghey dty pheccaghyn eajee ny smoo na t’adsyn, as er heyrey dty hayraghyn ayns ooilley dty aghtyn dwoaiagh, t’ou er chur roo.

Leviticus 18:22

Cha jean oo lhie marish dooinney, myr marish ben: shen feohdys.

Leviticus 20:13

My ta dooinney lhie marish dooinney, myr marish ben, t’ad nyn-neesht er n’yannoo peccah feohdagh: bee ad dy shickyr er nyn goyrt gy-baase: orroo hene vees yn uill oc.

1 Corinthianee 6:9

Nagh vel fys eu nagh vow ny mee-chrauee eiraght ayns reeriaght Yee? Ny bee-jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey-poosey, ny ny soailtee, ny adsyn ta cur rish peccah noi dooghys,

Deuteronomy 23:17

Cha bee streebagh jeh inneenyn Israel, ny Sodomite jeh mec Israel.

1 Timothy 1:10

Cour maarderee, ny chour ocsyn ta cur rish peccah neu-ghooghyssagh, ny chour ocsyn ta geid deiney, cour breageryn, cour persoonyn oaiagh, as my ta red erbee elley ta noi ynsagh follan,

2 Timothy 3:13

Agh nee drogh gheiney as molteyryn gaase ny smessey as ny smessey, molley, as er nyn molley,

2 Peddyr 2:2

As eiyree ymmodee da ny raaidyn mollaghtagh oc, kyndagh roosyn bee raad yn irriney er ny oltooaney.

2 Peddyr 2:7

As livrey eh Lot yn dooinney cairagh, seaghnit lesh ymmyrkey-bea feohdagh ny mee-chrauee:

Jude 1:7

Dy jarroo myr ta Sodom as Gomorrha as ny ard-valjyn mygeayrt-y-moo, ren er yn aght cheddin ad-hene y choyrt seose gys maarderys, as geiyrt er feill neu-ghooghyssagh, er nyn soiaghey magh son sampleyr, surranse kerraghey dewil yn aile dy bragh farraghtyn.

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.