Genesis 19:3 - Yn Vible Casherick 1775 1819

³ As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

Genesis 19:3 ပူးပေါင်းရင်းမြစ်များ

Genesis 19:2

As dooyrt eh, Cur-my-ner nish, my hiarnyn, chyndaa-jee stiagh, ta mee guee erriu, gys thie nyn sharvaant, as gow-jee aaght fud-ny-hoie, as niee-jee nyn gassyn, as nee shiu girree dy moghey, as goll er nyn yurnah. As dooyrt ad, Cha lhiass, agh fuirree mayd ’sy traïd fud-ny-hoie.

Genesis 21:8

As daase y lhiannoo, as v’eh er ny harbaa: as ren Abraham cuirraghyn mooarey, yn laa cheddin va Isaac charbaït.

Genesis 24:31

As dooyrt eh rish, Tar stiagh uss vannit jeh’n Chiarn; cre’n-oyr t’ou dy hassoo mooie? Son ta mee er chiartaghey yn thie, as room son ny camelyn.

Genesis 26:30

As ren eh gien daue, as ren ad gee as giu.

2 Reeaghyn 4:8

As haghyr eh er laa dy row, dy jagh Elisha gys Shunem, raad va ben ooasle; as ren ee cuirrey eh dy ghoaill beaghey. As myr shen ve, cha mennick as hie eh shaghey, dy hyndaa eh stiagh dy ghoaill beaghey.

Exodus 12:15

Shiaght laa nee shiu gee arran gyn soorit: er yn eer chied laa ver shiu soorit magh ass nyn dhieyn: son quoi-erbee ee-ys arran veih’n chied laa derrey’n chiaghtoo laa, bee’n annym shen giarit jeh veih Israel.

Exodus 12:39

As ren ad berreenyn jeh’n theayst hug ad lhieu magh ass Egypt: son cha row eh slane fuinnit; er-yn-oyr dy row ad eiyrit magh ass Egypt ayns siyr, as cha row tra oc son fuirriaghtyn, chamoo v’ad er n’aarlaghey daue hene veg y veaghey gour nyn yurnah.

Noo Luke 11:8

Ta mee gra riu, Ga nagh n’irree eh dy chur da, er coontey dy nee e charrey eh: ny-yeih kyndagh rish yn jeeanid echey, irree eh, as ver eh da whilleen as vees eh ny eme.

Noo Luke 14:23

As dooyrt y chiarn rish y charvaant, Gow magh gys ny raaidyn mooarey as ny cleigh, as guee orroo dy heet stiagh, dy vod my hie ve er ny lhieeney.

Noo Luke 5:29

As ren Levi aarlaghey mooar er e hon ayns e hie hene: as va sheshaght vooar dy phublicanee as dy eallagh elley nyn soie ec y voayrd mâroo.

Noo Ean 12:2

Ayns shen ren ad shibber er e hon, as va Martha shirveish orroo: agh va Lazarus fer jeusyn va nyn soie ec y voayrd mârish.

1 Corinthianee 5:8

Lhig dooin er-y-fa shen freayll yn feailley; cha nee lesh y chenn soorid, chamoo lesh y soorid dy ghoanlys as olkys; agh lesh yn arran-millish dy ynrickys as firrinys.

2 Corinthianee 5:14

Son ta graih Chreest dy êginaghey shin, er-y-fa dy nee myr shoh ta shin briwnys, my hooar un er baase son ooilley, eisht dy row ooilley marroo [ayns peccah:]

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

Briwnyn 6:19

As hie Gideon stiagh, as daarlee eh mannan, as keeakyn millish jeh ephah dy flooyr: yn eill hug eh ayns baskad, as yn an-vroïe ayns pot, as hug eh lesh eh magh huggey fo’n villey-darragh, as ren eh chebbal eh.

1 Samuel 28:24

As va lheiy beiyht ec y ven ’sy thie, as ren ee siyr, as varr ee eh, as ghow ee flooyr, as ren ee fuinney arran ayns siyr: