Genesis 19:2 - Yn Vible Casherick 1775 1819

² As dooyrt eh, Cur-my-ner nish, my hiarnyn, chyndaa-jee stiagh, ta mee guee erriu, gys thie nyn sharvaant, as gow-jee aaght fud-ny-hoie, as niee-jee nyn gassyn, as nee shiu girree dy moghey, as goll er nyn yurnah. As dooyrt ad, Cha lhiass, agh fuirree mayd ’sy traïd fud-ny-hoie.

Genesis 19:2 ပူးပေါင်းရင်းမြစ်များ

Genesis 18:4

Lhig da red beg dy ushtey, ta mee guee erriu, v’er ny choyrt lesh, as niee-jee nyn gassyn, as gow-jee nyn aash fo yn villey.

Genesis 19:1

As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 19:3

As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

Genesis 24:31

As dooyrt eh rish, Tar stiagh uss vannit jeh’n Chiarn; cre’n-oyr t’ou dy hassoo mooie? Son ta mee er chiartaghey yn thie, as room son ny camelyn.

Genesis 43:24

As hug y dooinney lesh ny deiney stiagh ayns thie Yoseph, as hug eh ushtey daue, as niee ad nyn gassyn, as hug eh bee da ny assylyn oc.

2 Samuel 11:8

As dooyrt David rish Uriah, Gow sheese gys dty hie, as niee dty chassyn. As hie Uriah roish ass thie’n ree, as hug y ree lhongey dy vee geiyrt er.

Lioar Yob 31:32

Cha ren y joarree aaght y ghoaill ’sy traïd; agh doshil mee my ghorryssyn da’n troailtagh.

Raaghyn Creeney 25:17

Freill dty chass veih thie dty naboo: er-aggle dy bee eh skee jeed, as cur feoh dhyt.

Arrane Solomon 5:3

Ta mee er choyrt jee’m my gharmadyn, kys yioym ad moom? ta mee er niee my chassyn, kys nee’m ad y vroghey?

Noo Luke 7:44

As hyndaa eh gys y ven, as dooyrt eh rish Simon, Vel oo cur-my-ner yn ven shoh? Haink mee stiagh ayns dty hie’s, as cha dug oo dou ushtey son my chassyn: agh t’eeish er niee my chassyn lesh jeïr, as er jyrmagh ad lesh folt e king.

Noo Ean 13:5

Eisht hug eh ushtey ayns saagh, as ren eh toshiaght dy niee cassyn e ostyllyn, as dy rubbey ad lesh yn aanrit va ec e chryss.

Jannoo 16:15

As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar-jee stiagh gys my hie, as gow-jee aaght mârym. As cha goghe ee obbal voïn.

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.