Genesis 19:1 - Yn Vible Casherick 1775 1819

¹ As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 19:1 ပူးပေါင်းရင်းမြစ်များ

Genesis 11:27

Nish ad shoh sheelogheyn Terah: hooar Terah Abram, Nahor, as Haran: As hooar Haran Lot.

Genesis 13:12

Ren Abram cummal ayns cheer Chanaan, as ren Lot cummal ayns ard-valjyn yn strah, as hoie eh e chabbane lesh Sodom.

Genesis 18:16

As hrog ny deiney orroo veih shen, as yeeagh ad lesh Sodom: as hie Abraham mâroo dy choyrt ad er nyn raad.

Genesis 18:22

As hyndaa ny deiney nyn eddin veih shen, as hie ad lesh Sodom: agh hass Abraham foast kiongoyrt rish y Chiarn.

Genesis 19:10

Agh heeyn ny deiney magh nyn laue, as hayrn ad Lot huc stiagh ’sy thie, as ghooin ad y dorrys.

Genesis 19:2

As dooyrt eh, Cur-my-ner nish, my hiarnyn, chyndaa-jee stiagh, ta mee guee erriu, gys thie nyn sharvaant, as gow-jee aaght fud-ny-hoie, as niee-jee nyn gassyn, as nee shiu girree dy moghey, as goll er nyn yurnah. As dooyrt ad, Cha lhiass, agh fuirree mayd ’sy traïd fud-ny-hoie.

Genesis 23:12

As chroym Abraham eh-hene sheese, kiongoyrt rish sleih ny cheerey.

Genesis 48:12

As ghow Joseph ad veih eddyr e ghlioonyn, as chroym eh sheese lesh e eddin gys y thalloo.

Lioar Yob 29:7

Tra hie mee magh er y yiat, trooid yn ard-valley, tra hoie mee er y stoyl-briwnys ’sy traid;

Lioar Yob 31:32

Cha ren y joarree aaght y ghoaill ’sy traïd; agh doshil mee my ghorryssyn da’n troailtagh.

Psalmyn 69:12

T’adsyn ta soie ’sy yiat loayrt m’oï: as ta’n vooinjer veshtal jannoo ronneeaght orrym.

Noo Luke 17:28

As er yn aght cheddin myr ve ayns laghyn Lot, v’ad gee, v’ad giu, v’ad kionnaghey, v’ad creck, v’ad soiaghey biljyn, v’ad troggal thieyn:

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

Ruth 4:1

Eisht hie Boaz seose gys giat yn ard-valley, as hoie eh sheese ayns shen: as cur-my-ner, haink y dooinney-mooinjerey shaghey, ren Boaz gimraa er; rishyn dooyrt eh, Ho, lheid y fer! shass stiagh, soie sheese ayns shoh. As hass eh stiagh, as hoie eh sheese.