Genesis 18:8 - Yn Vible Casherick 1775 1819

⁸ As ghow eh eeym as bainney, as y lheiy v’eh er n’aarlaghey, as hoie eh shoh kiongoyrt roo; as hass eh lioroo fo’n villey, as ren ad gee.

Genesis 18:8 ပူးပေါင်းရင်းမြစ်များ

Genesis 18:7

As roie Abraham gys y chioltane, as hug eh lesh lheiy beiyht as mie, as hug eh da dooinney aeg eh, as ren eh siyr dy aarlaghey eh.

Genesis 18:9

As dooyrt ad rish, Cre vel Sarah dty ven? as dreggyr eh, Cur-my-ner t’ee ayns y chabbane.

Genesis 19:3

As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

Nehemiah 12:44

Ec y traa shen, va paart pointit harrish ny shamyryn, son ny tashtaghyn, son ny chebballyn, son ny chied-vessyn, as son ny jagheenyn, dy haglym stiagh ayndoo ass magheryn ny ard-valjyn, ny keeshyn cordail rish y leigh, da ny saggyrtyn as Leviteyn: son ghow Judah boggey jeh ny saggyrtyn as Leviteyn ny shirveishee.

Isaiah 7:15

Eeym as mill nee eh gee, derrey vees toiggal echey dy obbal yn olk, as dy reih yn mie.

Isaiah 7:22

As hig eh gy-kione, son y palchey dy vainney nee ad y choyrt, dy jean eh gee eeym: son eeym as mill nee dy chooilley unnane gee ta faagit ’sy cheer.

Noo Luke 12:37

Bannit ta ny sharvaantyn shen yiow yn Chiarn er nyn arrey, tra hig eh: dy firrinagh ta mee gra riu, dy gryss eh e gharmad mysh, as dy der eh orroo soie sheese gys bee, as dy jig eh magh dy hirveish orroo.

Noo Luke 17:8

As nagh jir hoshiaght rish, Fow aarloo my hibber, as kiartee oo hene dy hirveish orrym’s, derrey vee’m erreish gee as giu, as ny lurg shen nee uss gee as giu?

Noo Luke 24:30

As haink eh gy-kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 24:43

As ghow eh, as d’ee eh kiongoyrt roo.

Noo Ean 12:2

Ayns shen ren ad shibber er e hon, as va Martha shirveish orroo: agh va Lazarus fer jeusyn va nyn soie ec y voayrd mârish.

Jannoo 10:41

Cha nee da ooilley yn pobble, agh da feanishyn va reiht ro-laue liorish Jee, dy jarroo dooinyn ren gee as giu mârish, erreish da v’er n’irree veih ny merriu.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean-jee yn reamys shoh leshtal son yn eill, agh ayns graih shirveish-jee yn derrey yeh yn jeh elley.

Deuteronomy 32:14

Eeym ny baa, as bainney keyrragh, lesh meeaylys eayin, as reaghyn jeh dooghys Vashan, as goair, lesh flooyr y churnaght s’glenney, as ren oo giu fuill glen y smeyr-feeyney.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.

Briwnyn 13:15

As dooyrt Manoah rish ainle y Chiarn, Ta mee guee ort, fuirree mârin, derrey aarlys mayd mannan er dty hon.

Briwnyn 5:25

Hir eh ushtey, as hug ee da bainney; hoie ee roish eeym ayns claare stoamey.