Genesis 18:6 - Yn Vible Casherick 1775 1819

⁶ As jimmee Abraham ayns siyr gys y chabbane gys Sarah, as dooyrt eh, Fow aarloo dy tappee three towseyn dy reih flooyr, fuinn eh, as jean berreenyn er y chiollagh.

Genesis 18:6 ပူးပေါင်းရင်းမြစ်များ

Genesis 18:5

As ver-ym lhiam greme dy arran, as jean-jee nyn greeaghyn y gherjaghey; ny lurg shen hed shiu er nyn doshiaght: son er-yn-oyr shen, ta shiu er jeet gys nyn sharvaant. As dooyrt ad, Jean myr t’ou er ghra.

Genesis 18:7

As roie Abraham gys y chioltane, as hug eh lesh lheiy beiyht as mie, as hug eh da dooinney aeg eh, as ren eh siyr dy aarlaghey eh.

Genesis 19:3

As hionn eh dy mooar orroo; as hyndaa ad stiagh huggey, as hie ad stiagh ’sy hie: as daarlee eh daue, as ren eh fuinney arran-millish; as ren ad gee.

2 Samuel 13:6

Er shoh lhie Amnon sheese, as lhig eh er dy ve ching: as tra hie’n ree dy yeeaghyn eh, dooyrt Amnon rish y ree, Ta mee guee ort, lhig da Tamar my huyr cheet, as jannoo cubbyl dy cheeakyn dou kiongoyrt rhym, dy voddym gee veih’n laue eck.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Isaiah 32:8

Agh ta’n cree ooasle smooinaghtyn er nheeghyn ooasle, as liorish cooishyn ooasle nee eh shassoo.

Noo Mian 13:33

Coraa-dorraghey elley loayr eh roo, Ta reeriaght niau goll-rish soorid ren ben y ghoaill as coodaghey seose ayns three towseyn dy veinn, derrey va’n clane soorit.

Jannoo 16:15

As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar-jee stiagh gys my hie, as gow-jee aaght mârym. As cha goghe ee obbal voïn.

Romanee 12:13

Rheynn gys ymmyrch ny nooghyn; arryltagh dy choyrt oltaghey-bea da troailtee.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean-jee yn reamys shoh leshtal son yn eill, agh ayns graih shirveish-jee yn derrey yeh yn jeh elley.

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.

Briwnyn 6:19

As hie Gideon stiagh, as daarlee eh mannan, as keeakyn millish jeh ephah dy flooyr: yn eill hug eh ayns baskad, as yn an-vroïe ayns pot, as hug eh lesh eh magh huggey fo’n villey-darragh, as ren eh chebbal eh.

1 Samuel 28:24

As va lheiy beiyht ec y ven ’sy thie, as ren ee siyr, as varr ee eh, as ghow ee flooyr, as ren ee fuinney arran ayns siyr: