Genesis 18:4 - Yn Vible Casherick 1775 1819

⁴ Lhig da red beg dy ushtey, ta mee guee erriu, v’er ny choyrt lesh, as niee-jee nyn gassyn, as gow-jee nyn aash fo yn villey.

Genesis 18:4 ပူးပေါင်းရင်းမြစ်များ

Genesis 18:3

As dooyrt eh, My Hiarn, my ta mee nish er gheddyn foayr ayns dty hilley, ny gow shaghey, ta mee guee ort, veih dty harvaant.

Genesis 19:2

As dooyrt eh, Cur-my-ner nish, my hiarnyn, chyndaa-jee stiagh, ta mee guee erriu, gys thie nyn sharvaant, as gow-jee aaght fud-ny-hoie, as niee-jee nyn gassyn, as nee shiu girree dy moghey, as goll er nyn yurnah. As dooyrt ad, Cha lhiass, agh fuirree mayd ’sy traïd fud-ny-hoie.

Genesis 24:32

As haink y dooinney stiagh, as ghow eh ny greïnyn jeh ny camelyn, as hug eh coonlagh as foddyr daue, as ushtey dy niee ny cassyn echey hene, as cassyn ny deiney va mârish.

Genesis 43:24

As hug y dooinney lesh ny deiney stiagh ayns thie Yoseph, as hug eh ushtey daue, as niee ad nyn gassyn, as hug eh bee da ny assylyn oc.

Noo Luke 7:44

As hyndaa eh gys y ven, as dooyrt eh rish Simon, Vel oo cur-my-ner yn ven shoh? Haink mee stiagh ayns dty hie’s, as cha dug oo dou ushtey son my chassyn: agh t’eeish er niee my chassyn lesh jeïr, as er jyrmagh ad lesh folt e king.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

Briwnyn 19:21

Myr shen hug eh lesh eh stiagh ’sy hie, as hug eh foddyr da ny assylyn echey: as niee ad nyn gassyn, as ren ad gee as giu.

1 Samuel 25:41

As hass ee seose, as chroym ee e eddin gys y thalloo, as dooyrt ee, Cur-my-ner, lhig da dty inney-veyl ve sharvaant dy niee cassyn sharvaantyn my hiarn.