As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.
Er shoh dooyrt eh, dy jinnagh eh ad y stroie, er-be dy hass Moses e harvaant reiht kiongoyrt rish ayns y vrishey-magh: dy hyndaa ersooyl e yymmoose hrome, nagh jinnagh eh ad y stroie.
Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.
Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.
As hir mee son dooinney ny mast’ oc, yinnagh yn cleiy y yannoo seose, as shassoo ’sy doarlish roym’s son y cheer, nagh jinnin eh y stroie: agh cha row fer ry-gheddyn.