Genesis 18:20 - Yn Vible Casherick 1775 1819

²⁰ As dooyrt y Chiarn, Er-yn-oyr dy vel eam Sodom as Gomorrah atchimagh, as er-yn-oyr dy vel y peccah oc feer eajee:

Genesis 18:20 ပူးပေါင်းရင်းမြစ်များ

Genesis 19:13

Son stroie mayd yn ynnyd shoh; er-y-fa dy vel yn eam oc er vishaghey dy mooar kiongoyrt rish eddin y Chiarn: As ta’n Chiarn er choyrt shin dy stroie eh.

Isaiah 3:9

Ta daanys nyn eddin son feanish nyn ’oï, as t’ad fockley-magh nyn beccah myr Sodom, as cha vel ad dy cheiltyn eh: smerg da’n annym oc! son t’ad er cherraghey olk orroo hene.

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 4:10

As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Genesis 19:4

Agh roish my jagh ad dy lhie, ren deiney yn ard-valley, dy jarroo deiney Sodom cruinnaghey yn thie mygeayrt, chammah shenn as aeg, ooilley yn sleih veih dagh ard.

Jeremiah 23:14

Ta mee er vakin myrgeddin ayns phadeyryn Yerusalem red feer atchimagh: t’ad brishey poosey, as gimmeeaght ayns breagyn; t’ad myrgeddin niartaghey laueyn ny drogh-yantee, nagh vel unnane erbee chyndaa veih e vee-chraueeaght: t’ad ooilley dooys myr Sodom, as ny cummaltee eck myr Gomorrah.

Ezekiel 16:46

As ta dty huyr shinney Samaria, ish as ny inneenyn eck ta cummal er dty laue chiare: as ta dty huyr saa, ta cummal er dty laue yesh, Sodom as ny inneenyn eck.

Joel 3:13

Cur-jee fo yn corran, son ta’n arroo creen; tar-jee, sheese-jee, son ta’n press-feeyney lane, ta ny doaghyn lhieeney harrish, son ta’n vee-chraueeaght oc mooar.

Jonah 1:2

Trog ort, immee gys Nineveh yn ard-valley mooar shen, as trog seose dty choraa noi eck, son ta’n mee-chraueeaght oc er jeet seose kiongoyrt rhym.

Genesis 6:12

As yeeagh Jee er y seihll, as cur-my-ner, v’eh slane peccoil: son va ooilley sheelnaue er n’gholl er-shaghryn veih Jee er y thalloo.