Genesis 18:2 - Yn Vible Casherick 1775 1819

² As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 18:2 ပူးပေါင်းရင်းမြစ်များ

Genesis 17:3

As huitt Abram er e eddin; as loayr Jee rish, gra,

Genesis 18:16

As hrog ny deiney orroo veih shen, as yeeagh ad lesh Sodom: as hie Abraham mâroo dy choyrt ad er nyn raad.

Genesis 18:22

As hyndaa ny deiney nyn eddin veih shen, as hie ad lesh Sodom: agh hass Abraham foast kiongoyrt rish y Chiarn.

Genesis 18:3

As dooyrt eh, My Hiarn, my ta mee nish er gheddyn foayr ayns dty hilley, ny gow shaghey, ta mee guee ort, veih dty harvaant.

Genesis 19:1

As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 23:12

As chroym Abraham eh-hene sheese, kiongoyrt rish sleih ny cheerey.

Genesis 23:7

As hass Abraham seose, as chroym eh eh-hene gys sleih ny cheerey, eer gys mec Heth.

Genesis 24:63

As hie Isaac magh ’syn astyr gys y vagher, dy choyrt raad da smooinaghtyn crauee: as hrog eh seose e hooillyn, as Cur-my-ner, honnick eh ny camelyn cheet.

Genesis 32:24

As va Jacob faagit ny-lomarcan: as ren dooinney gleck rish, derrey brishey’n laa.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 43:26

As tra haink Joseph thie, hug ad lhieu huggey yn gioot v’oc nyn laue stiagh ’sy thie, as chroym ad ad-hene huggey gys y thalloo.

Genesis 43:28

As dreggyr ad, Ta dty harvaant yn ayr ain ayns slaynt vie, t’eh foast bio: as chroym ad sheese nyn ghing, as ren ad biallys.

Genesis 44:14

As haink Judah as e vraaraghyn gys thie Yoseph (son v’eh foast sthie) as huitt ad kiongoyrt rish, er y thalloo.

Genesis 48:12

As ghow Joseph ad veih eddyr e ghlioonyn, as chroym eh sheese lesh e eddin gys y thalloo.

2 Reeaghyn 2:15

As tra honnick mec ny phadeyryn eh, adsyn hie dy ghoaill baght ec Jericho, dooyrt ad, Ta spyrryd Elijah tannaghtyn er Elisha. As hie ad ny whail, as ren ad croymmey ad-hene gys y thalloo kiongoyrt rish:

Romanee 12:13

Rheynn gys ymmyrch ny nooghyn; arryltagh dy choyrt oltaghey-bea da troailtee.

Hebrewnee 13:2

Ny jarrood-jee dy choyrt oltagh-bea da joarreeyn: son liorish ta paart er choyrt oltagh-bea da ainleyn gyn-yss daue hene.

Joshua 5:13

As haink eh gy-kione, tra va Joshua er-gerrey da Jericho, dy hrog eh seose e hooillyn as yeeagh eh, as cur-my-ner, va dooinney ny hassoo jeeragh roish, as cliwe rooisht ny laue: as hie Joshua huggey, as dooyrt eh rish, Vel uss er y cheu ainyn, ny son nyn noidyn?

1 Peddyr 4:9

Cur-jee oltaghey-bea yn derrey yeh da’n jeh elley fegooish mooaraghey.

Briwnyn 13:3

As haink ainle y Chiarn gys y ven, as dooyrt eh r’ee, Cur-my-ner nish, t’ou uss gennish, as gyn cloan: agh nee oo giennaghtyn, as gymmyrkey mac.

Ruth 2:10

Eisht chroym ee sheese lesh e eddin gys y thalloo, as dooyrt ee rish, Kys te dy vel mee er gheddyn yn foayr shoh ayns dty hilley, dy vel oo er ghoaill tastey jeem’s, nagh vel agh joarree?