Genesis 18:11 - Yn Vible Casherick 1775 1819

¹¹ Nish va Abraham as Sarah shenn, as er roie, dy mie ayns eash: as scuirr eh dy ve marish Sarah, myr te dooghyssagh da mraane dy ve.

Genesis 18:11 ပူးပေါင်းရင်းမြစ်များ

Genesis 17:17

As huitt Abraham er e eddin, as ren eh garaghtee, as dooyrt eh ayns e chree, Bee lhiannoo er ny ruggey dasyn ta keead bleïn dy eash? as jean Sarah, ta kiare-feed bleïn as jeih, lhiannoo y ymmyrkey?

Genesis 17:24

As va Abraham kiare-feed bleïn as nuy-jeig dy eash, tra v’eh er ny yiarey-chymmylt ayns yn eill.

Genesis 21:7

As dooyrt ee, Quoi yiarragh rish Abraham, dy beagh Sarah ny ben-kee? son ta mee er n’ymmyrkey mac da ayns e henn eash.

Genesis 24:1

As va Abraham shenn, as er roie dy mie ayns eash: as va’n Chiarn er vannaghey Abraham ayns dy chooilley nhee.

Genesis 24:36

As ren Sarah ben my vainshtyr mac y ymmyrkey da my vainshtyr tra v’ee shenn: as dasyn t’eh er choyrt ooilley ny t’echey.

Genesis 31:35

As dooyrt ee rish e ayr, Ny lhig da my hiarn ve corree rhym, nagh voddym girree seose kiongoyrt rhyt; son ta mee myr te dooghyssagh da mraane: as ren eh ronsaghey, agh cha dooar eh ny jallooyn.

Leviticus 15:19

As my ta’n roie-folley dooghyssagh er ben, bee ee er ny scarrey veih sheshaght shiaght laa; as quoi-erbee vennys r’ee, vees neu-ghlen derrey’n astyr.

Noo Luke 1:18

As dooyrt Zacharias rish yn ainle, Cre liorish vees fys aym’s er shoh? son ta mee shenn, as ta’n ven er roie dy mie ayns eash.

Noo Luke 1:36

As cur-my-ner, dty ven-vooinjerey Elizabeth, t’eeish myrgeddin er ghiennaghtyn mac ayns ny shenn laghyn eck: as shoh yn cheyoo vee jeeish va raït dy ve gennish.

Noo Luke 1:7

As cha row sluight oc, er-yn-oyr dy row Elizabeth gennish, as v’ad ny-neesht er roie dy mie ayns eash.

Hebrewnee 11:19

Coontey dy row Jee abyl dy hroggal eh seose, eer veih ny merriu: voish shen myrgeddin hooar eh eh ayns caslys.

Joshua 13:1

Nish va Joshua shenn as er roie ayns eash; as dooyrt y Chiarn rish, T’ou ass shenn as er roie ayns eash, as ta foast lane thalloo rhymbiu nagh vel shiu er ghoaill.