Genesis 18:10 - Yn Vible Casherick 1775 1819

¹⁰ As dooyrt eh, Neem’s dy shickyr chyndaa hood’s ec y traa cooie yn vleïn shoh cheet; as cur-my-ner, ver Sarah dty ven mac son y theihll. As cheayll Sarah shoh ayns dorrys y chabbane, va ny chooyl.

Genesis 18:10 ပူးပေါင်းရင်းမြစ်များ

Genesis 16:10

As dooyrt ainle y Chiarn r’ee, Neem’s bishaghey dty luight erskyn towse, nagh vod ad v’er nyn goontey son yn earroo oc.

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 17:19

As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.

Genesis 17:21

Agh my chonaant nee’m y hickyraghey rish Isaac, eh nee Sarah gymmyrkey dhyt ec y traa cooie yn vleïn shoh cheet.

Genesis 18:9

As dooyrt ad rish, Cre vel Sarah dty ven? as dreggyr eh, Cur-my-ner t’ee ayns y chabbane.

Genesis 21:1

As ren y Chiarn cooinaghtyn er Sarah, myr v’eh er loayrt, as ren y Chiarn son Sarah, ny v’eh er yialdyn.

Genesis 21:2

Son ren Sarah giennaghtyn, as gymmyrkey mac da Abraham, ayns e henn eash; corrym rish y traa, myr va Jee er loayrt rish.

Noo Luke 1:13

Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Galatianee 4:23

Agh v’eshyn va rish yn inney-veyl er ny ruggey lurg yn eill, agh eshyn va rish y ven-seyr v’eh liorish bree gialdynys.

Galatianee 4:28

Nish ta shinyn, vraaraghyn, myr va Isaac, yn chloan dy ghialdynys.