Genesis 17:8 - Yn Vible Casherick 1775 1819

⁸ As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

Genesis 17:8 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 13:15

Son ooilley yn cheer t’ou dy akin, dhyt’s ver-ym eh, as da dty luight son dy bragh.

Genesis 13:17

Trog ort, shooyl trooid y cheer, er y lhiurid, as er y lheead echey; son dhyt’s ver-yms eh.

Genesis 23:4

Ta mee my yoarree, as my hroailtagh mêriu. Cur-jee dou cairys ayns grunt oanluckee mêriu, dy voddym yn marroo y oanluckey ass my hilley.

Genesis 26:24

As hoilshee’n Chiarn eh-hene da ’syn oie cheddin, as dooyrt eh, Mish Jee Abraham dty ayrey: ny gow aggle, son ta mish lhiat, as nee’m oo y vannaghey, as bishaghey dty luight er graih my harvaant Abraham.

Genesis 28:4

As dy der eh dhyt bannaght Abraham, dhyt hene, as da dty luight mayrt; dy vod oo yn cheer, raad t’ou dty yoarree, y gheddyn son eiraght, hug Jee da Abraham.

Genesis 35:27

As haink Jacob gys Isaac e ayr gys Mamre, gys ard-valley Arbah [ta shen Hebron] raad va Abraham as Isaac cummal.

Genesis 36:7

Son va’n verchys oc ny smoo, na va reamys oc dy chummal cooidjagh: as cha row room ’sy cheer, raad v’ad ny yoarreeyn, dy ghoaill roo, son earroo nyn maase.

Genesis 37:1

As ren Jacob cummal ayns cheer yoarreeaght e ayrey, ayns cheer Chanaan.

Genesis 48:4

As dooyrt eh rhym, Cur-my-ner, neem’s uss messoil, as bishee-ym oo, as ver-ym er earroo dy leih dy heet jeed; as ver-yms y cheer shoh, da dty luight dty yeï, son eiraght dy bragh farraghtyn.

2 Samuel 23:5

Ga nagh vel my hie’s agh fardalagh roish Jee; ny-yeih t’eh er n’yannoo rhym conaant beayn, er ny oardrail dy kiart as dy shickyr ayns dy chooilley nhee: son aynsyn ta my haualtys, as ooilley my yeearree, ga nagh jig eh chelleeragh.

1 Recortyssyn 16:18

Gra, Dhyt’s ver-ym’s cheer Chanaan, cronney nyn eiraght.

Psalmyn 103:17

Agh ta mieys myghinagh y Chiarn farraghtyn son dy bragh as dy bragh orroosyn ta goaill aggle roish: as e chairys er cloan chlienney;

Psalmyn 105:11

Gra, Dhyt’s ver-ym thalloo Canaan: cronney nyn eiraght.

Psalmyn 105:9

Yn eer conaant ren eh rish Abraham: as y breearrey loo eh da Isaac;

Exodus 13:11

As shoh myr vees eh, tra ver y Chiarn lesh stiagh oo gys cheer ny Chanaaniteyn, myr vreear eh dhyt’s, as da dty ayraghyn as tra ver eh dhyt eh:

Exodus 21:6

Eisht ver e vainshtyr lesh eh fenish ny briwnyn; as ver eh lesh eh myrgeddin gys y dorrys, ny gys essyn y dorrys: as ver e vainshtyr mennee trooid e chleaysh; as nee eh shirveish eh choud as s’bio eh.

Exodus 29:45

As neem’s cummal mastey cloan Israel, as beem’s yn Jee oc.

Exodus 32:13

Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.

Exodus 40:15

As nee oo adsyn y ooilaghey, myr ren oo nyn ayr, dy vod ad jannoo shirveish dooys ayns oik y taggyrtys: son bee’n ooilaghey shoh son shickyrys dy haggyrtys beayn, trooid ny sheelogheyn oc.

Exodus 6:4

As ta mee myrgeddin er niartaghey my chonaant roosyn, dy derrin daue cheer Chanaan, cheer nyn droailtys, ayn v’ad nyn yoarreeyn.

Exodus 6:7

As goym shiu son pobble dou hene, as beem’s my Yee diuish: as bee fys eu, dy nee mish y Chiarn y Jee euish, ta coyrt livrey-ys diu veih bondiaght ny Egyptianee.

Jeremiah 25:5

Dooyrt adsyn, Chyndaa-jee reesht nish dy chooilley ghooinney veih e raad mee-chrauee, as veih nyn ghrogh-yannoo, as jean-jee cummal ’sy cheer hug y Chiarn diuish, as da nyn ayraghyn, veih sheeloghe gys sheeloghe:

Jeremiah 31:1

Ec y traa cheddin, ta’n Chiarn dy ghra, beem’s Jee ooilley kynneeyn Israel, as bee adsyn my phobble’s.

Ezekiel 11:20

Dy vod ad gimmeeaght ayns my lattyssyn, as freayll my oardaghyn, as ad y chooilleeney: as bee adsyn yn pobble aym’s, as beem’s y Jee ocsyn.

Ezekiel 33:24

Vac y dooinney, t’adsyn ta baghey ayns fadaneyssyn cheer Israel dy ghra, Cha row Abraham agh un er, as va’n slane cheer echey myr eiraght: agh ta shinyn ymmodee, as ta’n cheer er ny choyrt dooinyn son eiraght.

Leviticus 14:34

Tra vees shiu er jeet gys cheer Chanaan, ta mish dy choyrt diu son eiraght, as dy der-yms y doghan dy louraanys, ayns thie erbee jeh cheer nyn eiraght;

Leviticus 16:34

As bee shoh slattys kinjagh diu, dy yannoo lhiasaghey son cloan Israel, son ooilley nyn beccaghyn, keayrt ’sy vleïn. As ren eh, myr hug y Chiarn sarey da Moses.

Leviticus 26:12

As neem’s gimmeeaght mêriu as beem’s y Jee eu, as bee shiuish my phobble.

Zechariah 8:8

As ver-ym lhiam ad, as nee ad cummal ayns mean Yerusalem, as bee ad my phobble’s, as beem’s yn Jee ocsyn ayns firrinys as ynrickys.

Earrooyn 10:29

As dooyrt Moses rish Hobab, mac Raguel yn Midianite, ayr-’sy-leigh Voses, Ta shinyn er nyn yurnah gys yn ynnyd, mychione dooyrt y Chiarn, Ver-yms diuish eh: tar uss mârin, as bee mayd mie rhyt: son ta’n Chiarn er loayrt dy mie mychione Israel.

Earrooyn 25:13

As bee eh echey, as ec e luight ny lurg, eer yn conaant dy haggyrtys kinjagh; er-yn-oyr dy row eh jeean son ooashley e Yee; as dy ren eh lhiasaghey son cloan Israel.

Earrooyn 27:12

As dooyrt y Chiarn rish Moses, Immee seose er y chronk shoh Abarim, as gow shilley jeh’n cheer, ta mish er choyrt da cloan Israel.

Jannoo 7:5

As cha dug eh eiraght erbee da ayn, wheesh as lheead trie: foast ghiall eh dy jinnagh eh da eh son eiraght, as da e luight ny yeï, tra v’eh foast gyn cloan.

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 26:18

As ta’n Chiarn er ghoaill rhyt’s jiu, dy ve yn pobble reiht echey hene, myr yiall eh dhyt, as dy vreillagh oo ooilley e oardaghyn:

Deuteronomy 29:13

Dy dty hoiaghey seose nish son pobble da hene, as eh dy ve yn Jee ayd’s, myr dooyrt eh rhyt, as myr t’eh er vreearrey da dty ayraghyn, da Abraham, da Isaac, as da Jacob.

Deuteronomy 32:49

Fow seose er y slieau Abarim, gys cronk Nebo, t’ayns cheer Voab, ta jeeragh er Jericho; as gow shilley jeh cheer Chanaan, ta mee dy choyrt da cloan Israel son eiraght.

Deuteronomy 32:8

Tra ren yn er smoo syrjey rheynn er ny ashoonyn nyn eiraght, tra skeayl eh mec Adam, hoie eh cagleeyn y pobble, cordail rish earroo cloan Israel.

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Deuteronomy 4:37

As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

Joshua 1:2

Ta Moses my harvaant marroo; nish er-y-fa shen trog ort, gow harrish yn awin shoh Jordan, uss, as ooilley yn pobble shoh, gys y cheer ta mee dy choyrt daue, dy jarroo da cloan Israel.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.