Genesis 17:5 - Yn Vible Casherick 1775 1819

⁵ Chamoo vees dty ennym arragh Abram, agh Abraham vees dty ennym, son ta mee er n’yannoo uss ayr ymmodee ashoonyn.

Genesis 17:5 ပူးပေါင်းရင်းမြစ်များ

Genesis 17:15

As dooyrt Jee rish Abraham, Er son Sarai dty ven, cha jean oo ee y enmys Sarai, agh Sarah vees yn ennym eck.

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Genesis 32:29

As dênee Jacob jehsyn, as dooyrt eh, Insh dooys, ta mee guee ort, dty ennym’s: As dooyrt eh, Cre’n-fa te, dy vel oo briaght son my ennym’s? as vannee eh eh ayns shen.

Genesis 35:10

As dooyrt Jee rish, Ta dty ennym Jacob: cha bee oo ny sodjey enmyssit Jacob, agh Israel vees dty ennym: as denmys eh eh Israel.

2 Samuel 12:25

As hug eh fys lesh Nathan y phadeyr; as denmys eh eh Jedidiah, son y ghraih v’ec y Chiarn er.

1 Recortyssyn 1:27

Abram, ta’n er cheddin Abraham.

Nehemiah 9:7

Uss yn Chiarn, yn Jee ren reih Abram, as hug lesh eh magh ass Ur jeh ny Caldeanee, as hug er yn ennym Abraham:

Isaiah 65:15

As faagee shiu nyn ennym son mollaght da my vooinjer reiht: son nee yn Chiarn uss y stroie, as cowree eh e harvaantyn liorish ennym elley:

Jeremiah 20:3

As haink eh gy-kione laa-ny-vairagh, dy dug Pashur lesh Jeremiah ass ny sthockyn. Eisht dooyrt Jeremiah rish, Cha vel y Chiarn er n’enmys oo Pashur, agh Magor-missabib.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Earrooyn 13:16

Shoh enmyn ny deiney hug Moses dy ghoaill baght jeh cheer Chanaan. As denmys Moses Oshea mac Nun, Jehoshua.

Noo Ean 1:42

As hug eh lesh eh gys Yeesey. As tra honnick Yeesey eh, dooyrt eh, Uss Simon mac Jona: bee oo enmyssit Cephas, ta shen dy ghra Peddyr.

Romanee 4:17

(Myr te scruit, Ta mee er dty yannoo ayr ymmodee ashoonyn) cordail rishyn er ren eh credjal, dy jarroo Jee, ta bioghey ny merriu, as geamagh er ny reddyn shen nagh vel, myr dy beagh ad hannah ayn:

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver-yms dy ee jeh’n manna follit, as ver-ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.