Genesis 17:4 - Yn Vible Casherick 1775 1819

⁴ Er my hon’s, cur-my-ner ta my chonaant mayrt’s, as bee uss ayr ymmodee ashoonyn

Genesis 17:4 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 16:10

As dooyrt ainle y Chiarn r’ee, Neem’s bishaghey dty luight erskyn towse, nagh vod ad v’er nyn goontey son yn earroo oc.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 25:23

As dreggyr y Chiarn ee, Ta daa ashoon ayns dty vreïn, as bee daa horch dy leih er nyn scarrey veih dty veeghyn: as bee yn derrey phobble ny s’troshey na yn pobble elley: as nee yn fer shinney shirveish yn fer saa.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 32:12

As dooyrt uss, Neem’s son shickyrys foayr y hoilshaghey dhyt, as jannoo dty luight myr genniagh y traie, nagh vod ve er ny earroo.

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 48:19

As dob e ayr, as dooyrt eh, Ta fys aym er, my vac, ta fys aym er: hig eshyn myrgeddin dy ve pobble, as bee eh myrgeddin pooaral: agh dy firrinagh bee e vraar saa ny s’pooaral ny eshyn, as hig e luight dy ve earroo dy ashoonyn.

Exodus 6:4

As ta mee myrgeddin er niartaghey my chonaant roosyn, dy derrin daue cheer Chanaan, cheer nyn droailtys, ayn v’ad nyn yoarreeyn.