Genesis 17:23 - Yn Vible Casherick 1775 1819

²³ As ghow Abraham Ishmael e vac, as dagh unnane va ruggit ayns e hie, as ooilley ny va kionnit lesh e argid, dy chooilley yrrynagh v’ayns lught-thie Abraham; as ren eh giarey-chymmylt yn eill oc ’sy laa cheddin, myr va Jee er n’oardaghey da.

Genesis 17:23 ပူးပေါင်းရင်းမြစ်များ

Genesis 14:14

As tra cheayll Abram dy row e vraar goit ny phryssoonagh, choamree eh lesh armyn e Harvaantyn chaggee v’er nyn ruggey ayns e hie hene, three cheead as hoght-jeig, as hie ad er nyn eiyrt’s choud as Dan.

Genesis 17:9

As dooyrt Jee rish Abraham, Nee uss er-y-fa shen my chonaant y reayll, uss as dty luight dty yeï ayns nyn sheelogheyn.

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 34:24

As rish Hamor, as Shechem e vac, deaisht ooilley ny hie magh ass giat yn ard-valley echey; as va dy chooilley vac dooinney er nyn yiarey-chymmylt, ooilley ny hie magh er giat yn ard-valley.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Raaghyn Creeney 27:1

Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Jannoo 16:3

As eshyn baillish Paul dy gholl magh mârish, as ghow eh as ren eh eh y ghiarey-chymmylt, kyndagh rish ny Hewnyn v’ayns ny ardjyn shen: son va fys oc ooilley dy row e ayr ny Ashoonagh.

Galatianee 5:6

Son ayns Yeesey Creest, cha vel giarey-chymmylt jeh veg y vondeish, ny an-ghiarey-chymmylt, agh credjue ta gobbraghey liorish graih.

Galatianee 6:15

Son ayns Creest Yeesey, chamoo ta giarey-chymmylt jeh foays erbee, ny an-ghiarey-chymmylt, agh cretoor noa.