As dooyrt Jee, Nee Sarah dty ven dy jarroo mac y ymmyrkey dhyt; as nee oo genmys eh Isaac: as nee’m shickyraghey my chonaant rishyn, son conaant dy bragh farraghtyn, as rish e luight ny lurg.
As dooyrt eh, Neem’s dy shickyr chyndaa hood’s ec y traa cooie yn vleïn shoh cheet; as cur-my-ner, ver Sarah dty ven mac son y theihll. As cheayll Sarah shoh ayns dorrys y chabbane, va ny chooyl.
As vannee eh Joseph, as dooyrt eh, Jee, kiongoyrt rishyn ren my ayraghyn Abraham as Isaac gimmeeaght, y Jee ta er m’y niartaghey ooilley earish my vea, derrey’n laa t’ayn jiu;
Oh dy jinnagh oo m’y ollaghey ’syn oaie, dy jinnagh oo m’y reayll gy-follit, derrey ragh dty yymmoose shaghey, dy jinnagh oo traa er-lheh y phointeil er my hon, as cooinaghtyn orrym!