Genesis 17:2 - Yn Vible Casherick 1775 1819

² As nee’m my chonaant y yannoo eddyr mish as uss, as bishaghey oo erskyn towse.

Genesis 17:2 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 13:16

As neem’s yn sluight ayd’s [ayns earroo] myr joan ny hooirey: myr shen my oddys dooinney coontey joan ny hooirey, eisht vees dty luight’s myrgeddin er nyn earroo.

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

Genesis 15:5

As hug eh lesh eh magh (’sy vagher) as dooyrt eh rish, jeeagh nish seose ’syn aer, as gow earroo ny rollageyn, my oddys oo ad y choontey: as dooyrt eh rish, Myr shen vees dty luight.

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 9:9

As mish, cur-my-ner, ta mish niartaghey my chonaant riuish, as nyn sluight nyn yeï;

2 Reeaghyn 13:23

As va’n Chiarn graysoil daue, as chymmoil orroo, er coontey e chonaant rish Abraham, Isaac, as Jacob, as cha jinnagh eh ad y stroie, chamoo ad y scarrey foast veih e enish.

1 Recortyssyn 16:16

Eer y conaant shen ren eh rish Abraham, as y breearrey hug eh da Isaac:

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdynyn;