Genesis 17:17 - Yn Vible Casherick 1775 1819

¹⁷ As huitt Abraham er e eddin, as ren eh garaghtee, as dooyrt eh ayns e chree, Bee lhiannoo er ny ruggey dasyn ta keead bleïn dy eash? as jean Sarah, ta kiare-feed bleïn as jeih, lhiannoo y ymmyrkey?

Genesis 17:17 ပူးပေါင်းရင်းမြစ်များ

Genesis 17:18

As dooyrt Abraham, O dy bee Ishmael foddey beayn kiongoyrt rhyt?

Genesis 17:3

As huitt Abram er e eddin; as loayr Jee rish, gra,

Genesis 18:11

Nish va Abraham as Sarah shenn, as er roie, dy mie ayns eash: as scuirr eh dy ve marish Sarah, myr te dooghyssagh da mraane dy ve.

Genesis 18:12

Shen-y-fa, ren Sarah garaghtee cheu-sthie jee hene, gra, Erreish dooys v’er n’aase shenn, bee yn boggey shoh aym, fakin dy vel my hiarn shenn myrgeddin?

Genesis 21:5

As va Abraham keead bleïn dy eash, tra va e vac Isaac er ny ruggey da.

Genesis 21:6

As dooyrt Sarah, Ta Jee er choyrt orrym garaghtee, myr shen dy jean dagh unnane chlinnys jeh, garaghtee mârym.

Genesis 21:7

As dooyrt ee, Quoi yiarragh rish Abraham, dy beagh Sarah ny ben-kee? son ta mee er n’ymmyrkey mac da ayns e henn eash.

1 Recortyssyn 21:16

As hrog David e hooillyn, as honnick eh ainle y Chiarn ny hassoo eddyr niau as y thalloo, lesh cliwe loamrit ny laue sheeynt magh harrish Jerusalem: eisht huitt David as shanstyr Israel, va coamrit ayns aanrit-sack, er nyn eddin.

Lioar Yob 1:20

Er shoh dirree Job, as raip eh e choamrey, as ren eh e chione y vaarey, as huitt eh sheese er y thalloo, as hug eh ooashley,

Ezekiel 1:28

Myr co-chaslys y gholl-twoaie, t’ayns y vodjal er laa fliaghee, shen myr va co-chaslys yn sollyssid mygeayrt-y-mysh. Shoh myr v’er ny akin caslys gloyr y Chiarn. As tra honnick mee eh, huitt mee er my eddin, as cheayll mee yn coraa echeysyn va loayrt.

Daniel 8:17

Eisht haink eh er-gerrey da’n boayl raad va mee my hassoo: as tra haink eh, va mee fo atchim, as huitt mee er my eddin: agh dooyrt eh rhym, Gow toiggal, uss vac y dooinney: son ayns traa cooie bee jerrey er yn ashlish.

Leviticus 9:24

As haink aile magh veih kionfenish y Chiarn, as losht eh er yn altar yn oural-losht, as yn eeh: as tra honnick y pobble shen, hrog ad seose nyn goraa, as huitt ad er nyn eddinyn.

Earrooyn 14:5

Eisht huitt Moses as Aaron er nyn eddinyn kiongoyrt rish slane sheshaght cloan Israel, va er nyn jaglym cooidjagh.

Earrooyn 16:22

As huitt ad er nyn eddinyn, as dooyrt ad, O Yee, Jee spyrrydyn dy chooilley eill, jean un dooinney peccah, as bee uss corree rish ooilley’n cheshaght?

Earrooyn 16:45

Scarr-jee shiu hene veih’n cheshaght shoh, dy jean-ym ad y stroie myr ayns tullogh: as huitt ad er nyn eddin.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Noo Luke 1:18

As dooyrt Zacharias rish yn ainle, Cre liorish vees fys aym’s er shoh? son ta mee shenn, as ta’n ven er roie dy mie ayns eash.

Noo Ean 8:56

Ghow yn ayr eu Abraham foddiaght dy akin yn laa aym’s: as honnick eh eh, as ghow eh boggey.

Deuteronomy 9:18

As huitt mee sheese kiongoyrt rish y Chiarn, myr ren mee roïe, rish da-eed laa as da-eed oie; cha d’ee mee arran ny cha diu mee ushtey, kyndagh rish ooilley ny peccaghyn ren shiuish dy mee-arrymagh ayns shilley yn Chiarn, dy vrasnaghey e chorree.

Deuteronomy 9:25

Er shoh ve, dy huitt mee sheese kiongoyrt rish y Chiarn rish da-eed laa as da-eed oie; myr huitt mee sheese yn chied cheayrt: son dy row yn Chiarn er ghra, dy jinnagh eh shiu y stroie.

Joshua 5:14

As dooyrt eshyn, Cha nee nyn ’oï; agh myr ard-leeideilagh sheshaght-caggee yn Chiarn ta mish er jeet. As chroym Joshua lesh e eddin gys yn ooir, as hug eh ammys, as dooyrt eh rish, Cre ta my Hiarn dy ghra rish e harvaant?

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.

Ashlish 11:16

As ny kiare shanstyryn as feed, va nyn soie kiongoyrt rish Jee er nyn stuill-reeoil huitt ad sheese er nyn eddinyn, as hug ad ooashley da Jee,

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

Briwnyn 13:20

Son shen myr ve, tra hrog y lossey seose ’syn aer veih’n altar, dy jagh ainle y Chiarn seose ayns y lossey: as tra honnick Manoah as e ven shoh, huitt ad er nyn eddin gys y thalloo.