Genesis 17:14 - Yn Vible Casherick 1775 1819

¹⁴ As y lhiannoo mac nagh vel er ny yiarey-chymmylt ayns yn eill echey, bee yn annym cheddin er ny yiarey jeh veih e phobble: t’eh er vrishey my chonaant.

Genesis 17:14 ပူးပေါင်းရင်းမြစ်များ

Genesis 17:15

As dooyrt Jee rish Abraham, Er son Sarai dty ven, cha jean oo ee y enmys Sarai, agh Sarah vees yn ennym eck.

Genesis 34:14

As dooyrt ad roo, Cha vod mayd shoh ’yannoo, dy choyrt nyn shuyr da fer chymmyltagh: son veagh shen scammylt dooin.

Psalmyn 55:20

Dy jarroo, Jee hene, ta farraghtyn dy bragh, nee m’y chlashtyn, as ver lesh adsyn sheese: son cha jean ad chyndaa, ny goaill aggle roish Jee.

Exodus 12:15

Shiaght laa nee shiu gee arran gyn soorit: er yn eer chied laa ver shiu soorit magh ass nyn dhieyn: son quoi-erbee ee-ys arran veih’n chied laa derrey’n chiaghtoo laa, bee’n annym shen giarit jeh veih Israel.

Exodus 12:19

Son shiaght laa cha bee soorit ry-gheddyn ayns nyn dhieyn: son quoi-erbee ee-ys shen ny ta soorit, bee’n eer annym shen giarit jeh veih slane sheshaght Israel, edyr eh ve ny yoarree, ny ruggit ’sy cheer.

Exodus 30:33

Quoi-erbee nee e lheid, ny quoi-erbee ver veg jeh ersyn nagh vel jeh sluight Aaron, bee eh dy jarroo er ny yiarey jeh veih e phobble.

Exodus 30:38

Quoi-erbee nee veg e lheid, dy soaral rish, bee eh dy jarroo er ny yiarey magh veih e phobble.

Isaiah 24:5

Ta’n cheer myrgeddin fo loght folley liorish ny cummaltee echey, er-yn-oyr dy vel ad er chassey ny leighyn, er chaghlaa ny oardaghyn, as er vrishey yn conaant dy bragh farraghtyn.

Isaiah 33:8

Ta ny raaidyn mooarey gyn taaghey, cha vel troailtagh ry-akin orroo: t’eh er vrishey yn conaant, t’eh er hoiaghey beg jeh ny ard-valjyn, cha by-vooar lesh dooinney erbee.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Ezekiel 44:7

Ayns dy vel shiu er chur lhieu joarreeyn chymmyltagh ayns cree, as chymmyltagh ayns callin stiagh ayns my ynnyd casherick, dy hollaghey eh, eer my hie hene, tra ta shiu chebbal my oural-arran, yn eeh, as yn uill, as t’ad er vrishey my chonaant, liorish ooilley nyn obbraghyn dwoaiagh.

Leviticus 18:29

Son quoi-erbee nee cur-rish veg jeh ny peccaghyn dwoaiagh shoh, bee’n annym shen er ny yiarey jeh veih mastey’n pobble.

Leviticus 19:8

Shen-y-fa, nee eshyn ta gee eh gymmyrkey e pheccah, son dy vel eh er chur gys drogh ymmyd shen ny va casherick gys y Chiarn: as bee’n annym shen er ny yiarey jeh veih’n pobble.

Leviticus 23:29

Son annym erbee nagh bee fo trimshey er y laa cheddin, bee eh er ny yiarey jeh veih mastey e phobble.

Leviticus 7:25

Son fer erbee ta gee jeh eeh yn vaagh ta er ny hebbal son oural-losht gys y Chiarn, bee’n annym shen er ny yiarey jeih veih e phobble.

Leviticus 7:27

Quoi-erbee eh nee gee fuill erbee, bee eh er ny yiarey jeh veih e phobble.

Earrooyn 9:13

Agh y dooinney ta glen, as nagh vel er e yurnah, as ta lhiggey shaghey dy reayll yn chaisht; bee’n eer annym shen er ny yiarey magh veih e phobble, son nagh dug eh lesh oural y Chiarn ayns y traa pointit er y hon: nee’n dooinney shen gymmyrkey e pheccah.

1 Corinthianee 11:27

Shen-y-fa, quoi-erbee ee-ys yn arran shoh, as iu-ys y cappan shoh jeh’n Chiarn dy neu-feeu, bee eh oolee jeh corp as fuill y Chiarn.

1 Corinthianee 11:29

Son eshyn ta gee as giu dy neu-feeu, t’eh gee as giu kerraghey da hene, fegooish cur tastey da corp y Chiarn.