Genesis 17:13 - Yn Vible Casherick 1775 1819

¹³ Eshyn ta ruggit ayns dty hie, as eshyn ta kionnit lesh dty argid, shegin da ve er ny yiarey-chymmylt: as bee my chonaant ayns yn eill euish, son conaant foddey beayn.

Genesis 17:13 ပူးပေါင်းရင်းမြစ်များ

Genesis 14:14

As tra cheayll Abram dy row e vraar goit ny phryssoonagh, choamree eh lesh armyn e Harvaantyn chaggee v’er nyn ruggey ayns e hie hene, three cheead as hoght-jeig, as hie ad er nyn eiyrt’s choud as Dan.

Genesis 15:3

As dooyrt Abram, Cur-my-ner, dooys cha vel oo er choyrt sluight erbee: as Cur-my-ner fer ruggit ayns my hie vees my eirey.

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Genesis 37:27

Tar-jee, as lhig dooin creck eh rish ny Ishmaeliteyn, as ny lhig da nyn laue ve er; son nyn mraar eh, as yn eill ain: as choard e vraaraghyn er shoh.

Genesis 37:36

As chreck ny Midianiteyn eh ayns Egypt, rish Potiphar, fer-oik fo Pharaoh, as captan e ghard.

Genesis 39:1

As va Joseph er ny choyrt lesh sheese gys Egypt, as ren Potiphar, fer-oik fo Pharaoh, captan e ghard, va ny Egyptian, eh y chionnaghey veih laue ny Ishmaeliteyn, va er choyrt lhien eh sheese gys shen.

Genesis 9:16

As bee yn goll-twoaie ayns y vodjal; as jeeagh-ym er, dy voddym cooinaghtyn er y chonaant dy bragh farraghtyn, ta eddyr Jee as dy chooilley chretoor bio, jeh dy chooilley eill t’er y thalloo.

Nehemiah 5:5

Ga dy vel yn eill ain myr feill nyn mraaraghyn, yn chloan ain myr y chloan ocsyn, as cur-my-ner, ta shin cur lhien ny mec as ny inneenyn ain fo bondiaght, dy ve sharvaantyn; as ta paart jeh ny inneenyn ain hannah fo bondiaght, chamoo te ayns nyn booar dy eaysley ad: son ta’n thalloo, as ny garaghyn-feeyney ain ec deiney elley.

Nehemiah 5:8

As dooyrt mee roo, Ta shinyn, rere nyn booar, er veaysley nyn mraaraghyn ny Hewnyn, va creckit rish ny ashoonee: as jean shiuish eer nyn mraaraghyn y chreck dooinyn dy eaysley ad? Er shoh v’ad nyn dhost, as cha row fockle oc dy ghra.

Exodus 12:44

Agh sharvaant dy chooilley ghooinney ta kionnit lesh argid, tra t’ou er yiarey-chymmylt eh, eisht foddee eh gee jeh.

Exodus 21:16

As eshyn gheiddys dooinney, as chreckys eh, ny my t’eh er ny gheddyn ’sy chummal echey; bee eh, son shickyrys, er ny choyrt gy-baase.

Exodus 21:2

My chionnys oo sharvaant Hebrewnagh, shey bleeaney nee eh shirveish; as ayns y chiaghtoo bee e reamys echey nastee.

Exodus 21:4

My she e vainshtyr hug ben da, as ee er ruggey mec ny inneenyn da; bee’n ven as e cloan lesh e mainshtyr, as hed eh roish er hene.

Leviticus 22:11

Agh my ta’n saggyrt kionnaghey fer erbee lesh e argid, nee eh gee jeh, as eshyn ta ruggit ayns e hie: nee adsyn gee jeh e vee.

Noo Mian 18:25

Agh son wheesh as nagh row echey dy eeck, doardee e hiarn eh dy ve creckit, as e ven, as e chloan, as ooilley ny v’echey, as e eeaghyn dy ve eeckit.