Genesis 17:12 - Yn Vible Casherick 1775 1819

¹² As bee eshyn ta hoght laa dy eash er ny yiarey-chymmylt nyn mast’ eu, dy chooilley lhiannoo mac ayns ny sheelogheyn eu, eshyn t’er ny ruggey ayns y thie, ny kionnit lesh argid veih’n joarree nagh vel jeh dty luight.

Genesis 17:12 ပူးပေါင်းရင်းမြစ်များ

Genesis 17:23

As ghow Abraham Ishmael e vac, as dagh unnane va ruggit ayns e hie, as ooilley ny va kionnit lesh e argid, dy chooilley yrrynagh v’ayns lught-thie Abraham; as ren eh giarey-chymmylt yn eill oc ’sy laa cheddin, myr va Jee er n’oardaghey da.

Genesis 21:4

As ren Abraham e vac Isaac y yiarey-chymmylt er yn hoghtoo laa, myr va Jee er harey eh.

Exodus 12:44

Agh sharvaant dy chooilley ghooinney ta kionnit lesh argid, tra t’ou er yiarey-chymmylt eh, eisht foddee eh gee jeh.

Exodus 22:30

Nee oo er yn aght cheddin rish dty ghew, as rish dty chirree; rish shiaght laa bee eh er e voir, er yn hoghtoo laa ver oo dooys eh.

Leviticus 12:3

As er yn hoghtoo laa, bee eh er ny yiarey-chymmylt ’syn eill.

Noo Luke 1:59

As haink eh gy-kione er yn hoghtoo laa dy daink ad dy ghiarey-chymmylt yn lhiannoo; as denmys ad eh Zacharias, lurg ennym e ayrey.

Noo Luke 2:21

As tra va hoght laa ec kione son giarey-chymmylt y lhiannoo, v’eh enmyssit YEESEY, son shen yn ennym hug yn ainle er, roish my row eh er ny ghiennaghtyn ’sy vreïn.

Jannoo 7:8

As hug eh da conaant y ghiarey-chymmylt: as myr shen hooar Abraham Isaac, as ren eh eh y ghiarey-chymmylt er yn hoghtoo laa, as hooar Isaac Jacob, as Jacob yn daa henn-ayr jeig.

Romanee 2:28

Son cha nee Ew eshyn, ta fer er cheu-mooie; chamoo ta shen giarey-chymmylt, ta jeant er cheu-mooie ayns yn eill:

Philippianee 3:5

Er my ghiarey-chymmylt yn hoghtoo laa, jeh kynney Israel, jeh sheeloghe Venjamin, Hebrew [dooie] jeh ny Hebrewnee; mychione my chredjue ’sy leigh, my Pharisee: