Genesis 17:10 - Yn Vible Casherick 1775 1819

¹⁰ Shoh my chonaant, nee shiu y reayll eddyr mish as uss, as dty luight dty yeï; bee dy chooilley lhiannoo mac nyn mast’ eu er ny yiarey-chymmylt.

Genesis 17:10 ပူးပေါင်းရင်းမြစ်များ

Genesis 17:11

As nee shiu giarey-chymmylt yn eill eu, as bee eh cowrey jeh’n chonaant ta eddyr mish as shiuish.

Genesis 17:23

As ghow Abraham Ishmael e vac, as dagh unnane va ruggit ayns e hie, as ooilley ny va kionnit lesh e argid, dy chooilley yrrynagh v’ayns lught-thie Abraham; as ren eh giarey-chymmylt yn eill oc ’sy laa cheddin, myr va Jee er n’oardaghey da.

Genesis 17:27

As ooilley deiney e hie, v’er nyn ruggey ayns e hie, as kionnit lesh e argid voish y joarree, v’ad er nyn yiarey-chymmylt mârish.

Genesis 21:4

As ren Abraham e vac Isaac y yiarey-chymmylt er yn hoghtoo laa, myr va Jee er harey eh.

Genesis 34:15

Agh shoh myr choardys mayd riu: My vees shiuish myr ta shinyn, dy bee dy chooilley mac dooinney jiu er ny yiarey-chymmylt:

Genesis 34:22

Agh ynrycan er y chonaant shoh nee ny deiney coardail rooin, dy chummal mârin, as dy ve yn un sleih, my vees dy chooilley mac dooinney ny mast’ ain er nyn yiarey-chymmylt, myr t’adsyn er nyn yiarey-chymmylt.

Exodus 12:48

As tra nee joarree beaghey mayrt, as eh aignagh dy reayll caisht y Chiarn, lhig da ooilley ny fyrrynee echey v’er nyn yiarey-chymmylt, as eisht lhig da cheet as freayll eh; as bee eh myr fer ruggit ayns y cheer: son cha negin da persoon chymmyltagh erbee gee jeh.

Exodus 4:25

Er shoh ghow Zipporah skynn dy chlagh gyere, as ren ee giarey-chymmylt e mac; as hilg ee eh ec e chassyn, as dooyrt ee, T’ou uss dy jarroo er ve dty ghooinney folley dooys.

Jeremiah 4:4

Bee-jee er nyn yiarey-chymmylt gys y Chiarn, as gow-jee ersooyl neu-ghlennid nyn gree, shiuish gheiney Yudah, as chummaltee Yerusalem; er-aggle dy brish my eulys magh myr aile, as lostey nagh vod eh v’er ny vooghey, kyndagh rish nyn ghrogh-yannoo.

Noo Ean 7:22

Hug Moses er-y-fa shen yn giarey-chymmylt diu, (cha nee son dy vel eh jeh Moses, agh jeh ny ayraghyn) as ta shiu er laa yn doonaght giarey-chymmylt dooinney.

Jannoo 7:8

As hug eh da conaant y ghiarey-chymmylt: as myr shen hooar Abraham Isaac, as ren eh eh y ghiarey-chymmylt er yn hoghtoo laa, as hooar Isaac Jacob, as Jacob yn daa henn-ayr jeig.

Romanee 2:28

Son cha nee Ew eshyn, ta fer er cheu-mooie; chamoo ta shen giarey-chymmylt, ta jeant er cheu-mooie ayns yn eill:

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Romanee 3:28

Shen-y-fa ta shin briwnys, dy vel dooinney er ny heyrey liorish credjue fegooish obbraghyn y leigh.

Romanee 3:30

Fakin dy nee yn un Jee cheddin, nee seyrey yn giarey-chymmylt liorish credjue, as yn an-ghiarey-chymmylt trooid credjue.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh; son ta shiu ooilley unnane ayns Creest Yeesey.

Galatianee 6:12

Whilleen as ta shirrey dy hoilshaghey ad-hene er cheu-mooie liorish cowrey ny foalley, t’ad gêginaghey shiu dy ve er ny ghiarey-chymmylt; ny-lomarcan son nagh jinnagh ad surranse tranlaase er coontey crosh Chreest.

Ephesianee 2:11

Shen-y-fa cooinee-jee myr va shiu ayns traa dy row Ashoonee ayns yn eill, ta enmyssit an-ghiarey-chymmylt, liorish shen ta enmyssit giarey-chymmylt ayns yn eill jeant liorish laueyn;

Deuteronomy 10:16

Jean-jee, er-y-fa shen, nyn greeaghyn y yiarey-chymmylt, as ny bee-jee ny sodjey creoi-wannallagh.

Deuteronomy 30:6

As nee’n Chiarn dty Yee dty chree y yiarey-chymmylt, as cree dty luight, dy choyrt graih da’n Chiarn dty Yee, lesh ooilley dty chree, as lesh ooilley dt’annym, dy vod oo ve beayn.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Joshua 5:2

Ec y traa shen dooyrt y Chiarn rish Joshua, Lhig da skynnyn gyerey ve jeant, as lhig da cloan Israel v’er ny yiarey-chymmylt yn nah cheayrt.

Joshua 5:4

As shoh yn oyr v’ec Joshua dy yiarey-chymmylt: ooilley ny deiney haink ass Egypt, eer ooilley ny deiney caggee, hooar ad baase, ’syn aasagh er y raad, erreish daue v’er jeet magh ass Egypt.