Genesis 17:1 - Yn Vible Casherick 1775 1819

¹ As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 17:1 ပူးပေါင်းရင်းမြစ်များ

Genesis 12:1

Nish va’n Chiarn er ghra rish Abram. Immee royd ass dty heer hene, as veih dty chynney, as veih thie dty ayrey, gys y cheer jeeagh-ym dhyt.

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 16:16

As va Abram kiare-feed bleïn as shey dy eash tra ren Hagar gymmyrkey Ishmael da Abram.

Genesis 18:1

As ren y Chiarn eh hene y hoilshaghey da ayns cheer rea Mamre: as v’eh ny hoie ayns dorrys y chabbane, ayns chiass y laa.

Genesis 18:14

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

Genesis 24:40

As dooyrt eshyn rhym, Nee’n Chiarn, ta mee dy hirveish, e ainle y choyrt mayrt, as dty raad y vannaghey; as gowee oo ben da my vac jeh my chynney hene, as jeh thie my ayrey.

Genesis 26:2

As hoilshee yn Chiarn eh-hene da, as dooyrt eh, Ny gow sheese gys Egypt, cum ’sy cheer jeeagh-ym dhyt.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 35:11

As dooyrt Jee rish, Mish y Jee ooilley-niartal: bee uss messoil as jean bishaghey; bee ashoon as earroo dy ashoonyn jeed’s, as hig reeaghyn veih dty veeghyn.

Genesis 43:14

As dy der Jee ooilley-niartal diu foayr kiongoyrt rish y dooinney, dy vod eh lhiggey’n raad da nyn mraar elley, as Benjamin: my ta mee dy ve spooillit jeh my chloan bee’m spooillit.

Genesis 46:3

As dooyrt eh, Mish Jee, Jee dty ayrey: ny bee aggle ort dy gholl sheese gys Egypt; son neem’s jeed’s ayns shen ashoon mooar.

Genesis 48:15

As vannee eh Joseph, as dooyrt eh, Jee, kiongoyrt rishyn ren my ayraghyn Abraham as Isaac gimmeeaght, y Jee ta er m’y niartaghey ooilley earish my vea, derrey’n laa t’ayn jiu;

Genesis 48:3

As dooyrt Jacob, Hoilshee Jee ooilley-niartal eh hene dooys ec Luz, ayns cheer Chanaan, as vannee eh mee.

Genesis 5:22

As ren Enoch gimmeeaght myr ayns fenish Yee, lurg da v’er gheddyn Methuselah, three cheead bleïn, as hooar eh mec as inneenyn:

Genesis 5:24

As ren Enoch gimmeeaght myr ayns fenish Yee, as cha dooar eh baase, son ghow Jee eh, huggey hene.

Genesis 6:9

Ad shoh sheelogheyn Noah, va Noah ny ghooinney cairagh as ynrick ayns e heelogheyn: as ren Noah e vea y leeideil myr ayns fenish Yee.

1 Reeaghyn 2:4

Dy vod y Chiarn e ghoo y yannoo mie, loayr eh my-mychione’s, gra, My ver dty chloan tastey da nyn raad, dy immeeaght kiongoyrt rhym’s ayns firrinys, lesh ooilley nyn gree as lesh ooilley nyn annym, cha bee oo laccal (as eshyn,) dooinney dy hoie er stoyl-reeoil Israel.

1 Reeaghyn 3:6

As dooyrt Solomon, T’ou er hoilshaghey da dty harvaant David my ayr myghin mooar, myr ren eh gimmeeaght kiongoyrt rhyt’s ayns firrinys, as ayns cairys, as ayns ynrickys cree mayrt; as t’ou uss er reayll ny chour yn chenjallys vooar shoh, dy vel oo er choyrt mac da dy hoie er e stoyl-reeoil, myr te ’sy laa t’ayn jiu.

1 Reeaghyn 8:25

Shen-y-fa nish, Hiarn Yee Israel, jean mie da dty harvaant David my ayr shen ny yiall oo da, gra, Cha bee oo laccal dooinney ayns my hilley dy hoie er stoyl-reeoil Israel; my shen dy jean dty chloan tastey y ghoaill jeh nyn raad, dy hooyl kiongoyrt rhym, myr t’ou uss er hooyl kiongoyrt rhym.

2 Reeaghyn 20:3

Cooinee nish, ta mee guee ort, O Hiarn, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley. As cheayn Hezekiah dy sharroo.

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Lioar Yob 11:7

Vod uss liorish ronsaghey geddyn magh Jee? vod slane toiggal ’ve ayd jeh folliaghtyn yn Ooilley-niartal?

Psalmyn 115:3

Er son y Jee ainyn, t’eh ayns niau: t’eh er n’yannoo myr s’gooidsave lesh.

Psalmyn 116:9

Neem’s gimmeeaght kiongoyrt rish y Chiarn: ayns cheer y sleih bio.

Psalmyn 25:14

Ta my hooillyn dy bragh jeeaghyn gys y Chiarn: son tayrnee eh my chassyn ass y ribbey.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Raaghyn Creeney 10:9

Eh ta shooyl dy jeeragh, t’eh shooyl shickyr: agh eshyn ta goaill ayns raaidyn cammey, bee eh cronnit.

Isaiah 38:3

As dooyrt eh, Cooinee nish, O Hiarn, ta mee guee ort, kys ta mee er n’immeeaght kiongoyrt rhyt ayns ynrickys, as lesh cree firrinagh, as er n’yannoo shen ny ta mie ayns dty hilley: as cheayn Hezekiah dy sharroo.

Jeremiah 32:17

O Hiarn Yee, cur-my-ner, t’ou uss er chroo niau as thalloo liorish dty phooar niartal as dty roih sheeynt magh, as dhyt’s cha vel nhee erbee ro ghoillee:

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Earrooyn 11:23

As dooyrt y Chiarn rish Moses, Vel laue’n Chiarn er n’aase giare? nee uss fakin nish, jig my ghoo gys kione, mannagh jig.

Earrooyn 24:16

T’eh er ghra, ren clashtyn goan Yee, as va toiggal aigney’n fer smoo syrjey, honnick ashlish yn Ooilley-niartal, tuittym ayns cadley dowin, agh e hoilshey foshlit:

Noo Mian 19:26

Agh yeeagh Yeesey orroo, as dooyrt eh roo, Gys deiney ta shoh neu-phossible, agh da Jee ta dy chooilley nhee possible.

Noo Mian 5:48

Bee-jee shiuish er-y-fa shen slane ynrick, eer myr ta nyn Ayr t’ayns niau slane ynrick.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Jannoo 23:1

As yeeagh Paul dy gyere er y choonceil as dooyrt eh, Gheiney as vraaraghyn, Ta mee er n’ymmyrkey mee-hene fenish Jee lesh cooinsheanse slane ynrick gys y laa t’ayn jiu.

Jannoo 24:16

As er-yn-oyr shoh ta mee er my chliaghtey hene, dy reayll kinjagh cooinsheanse gyn loght gys Jee as gys deiney.

Ephesianee 3:20

Nish huggeysyn ta abyl dy yannoo foddey erskyn ooilley ny ta shin geearree ny smooinaghtyn, cordail rish y phooar ta gobbraghey dy niartal aynin,

Deuteronomy 10:17

Son ta’n Chiarn y Jee eu Jee dy yeeghyn, as Chiarn dy hiarnyn, Jee pooaral, niartal, as atchimagh, nagh vel jannoo soiagh jeh persoonyn, ny goaill leagh.

Deuteronomy 18:13

Nee oo lhiantyn dy ynrick gys y Chiarn dty Yee.

Deuteronomy 30:20

Dy vod oo graih y choyrt da’n Chiarn dty Yee, as ve biallagh gys e choraa, as dy vod oo lhiantyn huggey [son eshyn dty vioys, as lhiurid dty laghyn] dy vod oo cummal ayns y cheer, vreear y Chiarn da dty ayraghyn, da Abraham, da Isaac, as da Jacob, dy choyrt daue.

Philippianee 4:13

Foddym dy chooilley nhee y yannoo trooid Creest ta dy my niartaghey.

Hebrewnee 12:28

Shen-y-fa fakin dy vel shinyn er gheddyn reeriaght nagh vod v’er ny scughey, lhig da grayse ve ain, liorish oddys mayd Jee y hirveish dy booisal, lesh arrym as aggle crauee.

Hebrewnee 7:25

Shen-y-fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.