Genesis 16:8 - Yn Vible Casherick 1775 1819

⁸ As dooyrt eh, Hagar, inney-veyl Sarai, cre veih haink oo? as caïd t’ou goll? As dooyrt ee, Ta mee roie er-chea veih eddin my ven-ainshtyr Sarai.

Genesis 16:8 ပူးပေါင်းရင်းမြစ်များ

Genesis 16:1

Nish cha ren Sarai ben Abram cloan y ymmyrkey da: as va inney-veyl eck, ny Egyptian, enmyssit Hagar.

Genesis 16:4

As hie eh stiagh gys Hagar, as ren ee giennaghtyn: as tra dennee ish dy row ee er yiennaghtyn; ren ee beg y hoiagh jeh e ben-ainshtyr.

Genesis 16:9

As dooyrt ainle y Chiarn r’ee, Chyndaa gys dty ven-ainshtyr, as jean oo hene y injillaghey fo yn laue eck.

Genesis 21:17

As cheayll Jee coraa yn ghuilley, as ren ainle Yee geamagh gys Hagar veih niau, as dooyrt eh r’ee, Cre ta jannoo ort, Hagar? ny gow aggle; son ta Jee er chlashtyn coraa yn ghuilley raad t’eh:

Genesis 3:9

As deïe yn Chiarn Jee er Adam, as dooyrt eh rish, Cre vel oo?

Genesis 4:10

As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

1 Reeaghyn 19:13

As shen myr ve, tra cheayll Elijah shoh, dy hoïll eh e eddin ayns e chloagey, as hie eh magh, as hass eh ayns beeal yn ooig. As cur-my-ner, haink coraa huggey, dooyrt rish, Cre t’ayd’s dy yannoo ayns shoh, Elijah?

1 Reeaghyn 19:9

As haink eh gys ooig ayns shen, as shen y raad ghow eh aaght: as cur-my-ner, haink goo’n Chiarn huggey, as dooyrt eh rish, Cre t’ou dy yannoo ayns shoh, Elijah?

2 Reeaghyn 5:25

As hie eh-hene stiagh, as hass eh fenish e vainshtyr. As dooyrt Elisha rish, Cre veih t’ou er jeet, Gehazi? As dooyrt eh, Cha jagh dty harvaant raad erbee.

Ecclesiastes 10:4

My ta jymmoose yn reiltagh girree seose dt’oï, ny treig dty oik; son ta ammys jannoo lhiasaghey son foiljyn mooarey.

Briwnyn 19:17

As tra v’eh er hroggal seose e hooillyn, honnick eh dooinney joarree ayns straid yn ard-valley, as dooyrt y chenn ghooinney, C’raad t’ou goll? as cre veih t’ou er jeet?

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.